الماتىدا بيۋدجەت قاراجاتىن جىمقىرعان مەملەكەتتىك قىزمەتكەرلەر سوتتالدى

الماتىدا اگروونەركاسىپتىك كەشەندى (اوك) دامىتۋعا ارنالعان بيۋدجەت قاراجاتىن جىمقىرعان مەملەكەتتىك قىزمەتكەرلەر سوتتالدى.

ق ر سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتىنىڭ مالىمەتىنشە، الماتى قالاسى مەدەۋ اۋداندىق №2 سوتىنىڭ ۇكىمىمەن الماتى قالاسى اۋىل شارۋاشىلىعى جانە ۆەتەريناريا باسقارماسىنىڭ بۇرىنعى باسشىسى ا.كەرىمبەك، ونىڭ قاراماعىنداعىلار ك. ءابدىجابباروۆا، د. تازابەك جانە «مولپرودۋكت» ج ش س ديرەكتورى ر. سۇلەيمەنوۆا بيۋدجەت قاراجاتىن جىمقىرعانى ءۇشىن كىنالى دەپ تانىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ. 

مەملەكەتتىك قىزمەتكەرلەر اۋىل شارۋاشىلىعى سالاسىنداعى اگروونەركاسىپتىك كەشەن سۋبەكتىلەرىن سۋبسيديالاۋعا بولىنگەن 423 ملن تەڭگەنى جىمقىرعان «ا.كەرىمبەك، ك. ءابدىجابباروۆا مەن د.تازابەككە مەملەكەتتىك قىزمەت اتقارۋ قۇقىعىنان ءومىر بويىنا ايىرا وتىرىپ، 7 جىل باس بوستاندىعىنان ايىرۋ جازاسى تاعايىندالدى. ال، ر. سۇلەيمەنوۆاعا كوممەرسيالىق ۇيىمداردا 5 جىل مەرزىمگە باسشىلىق لاۋازىمداردى اتقارۋ قۇقىعىنان ايىرا وتىرىپ، 7 جىل باس بوستاندىعىنان ايىرۋ جازاسى تاعايىندالدى». – دەلىنگەن اگەنتتىك تاراتقان اقپاراتتا.