ءماسليحات سەسسياسىندا ەربولات دوسايەۆتىڭ قاتىسۋمەن الماتىنىڭ قالاسىنىڭ 2023-2025 جىلدارعا ارنالعان بيۋدجەت جوباسىن قارالدى، دەپ حابارلايدى Almaty-akshamy.kz.
الماتى قازاقستان ەكونوميكاسىنىڭ بەستەن ءبىر بولىگىن قالىپتاستىرا وتىرىپ، ەلىمىزدىڭ الەۋمەتتىك-ەكونوميكالىق جانە ساياسي ومىرىندە ەرەكشە ورىن الادى. 10 ايدىڭ قورىتىندىسى بويىنشا قىسقا مەرزىمدى ەكونوميكالىق ينديكاتور 105،6%-كە دەيىن ءوستى. ناقتى سەكتوردىڭ بارلىق سالالارى تۇراقتى ءوسۋ تراەكتورياسىنا شىقتى.
ءوسۋ قارقىنى قازاقستاندا 1ء-شى ورىندى يەلەنەتىن وڭدەۋشى ونەركاسىپ، سونداي-اق جوعارى ينۆەستيسيالىق بەلسەندىلىك الماتى ەكونوميكاسىنىڭ دامۋ درايۆەرىنە اينالدى. اعىمداعى جىلدىڭ 10 ايىندا نەگىزگى كاپيتالعا سالىناتىن ينۆەستيسيالار 928،7 ملرد. جاقىن تەڭگە جەكە ينۆەستيسيالاردى تارتۋ ەسەبىنەن 19،6%-كە ءوستى.
وسى جىلدىڭ باسىنان باستاپ جۇمىس ىستەيتىن شاعىن جانە ورتا بيزنەس سۋبەكتىلەرىنىڭ سانى 34،7%-كە (277 مىڭ بىرلىككە دەيىن) كوبەيدى. قالادا 55،8 مىڭ جۇمىس ورنى، ونىڭ ىشىندە 39،2 مىڭ تۇراقتى جۇمىس ورنى (70،3%) قۇرىلدى. بۇل جۇمىسسىزدىق دەڭگەيىن 5% دەيىن تومەندەتۋگە مۇمكىندىك بەردى.
قالا ەكونوميكاسىنىڭ جوعارى قارقىنمەن ءوسۋىنىڭ ارقاسىندا مەملەكەت باسشىسى وسى جىلدىڭ 16 قاراشاسىندا العا قويعان الماتى قالاسىن ودان ءارى دامىتۋ جونىندەگى باسىم مىندەتتەردى ەسكەرەتىن الداعى ءۇش جىلدىق كەزەڭگە ارنالعان بيۋدجەتتىڭ تۇراقتى جانە تەڭگەرىمدى جوباسى قالىپتاستىرىلدى.
2023 جىلعا ارنالعان 1 ترلن. 258،2 ملرد. تەڭگە سوماسىنداعى قالالىق بيۋدجەت جوباسى بولجامدى مەنشىكتى كىرىستەر – 1 ترلن. 138،4 ملرد. تەڭگە جانە رەسپۋبليكالىق بيۋدجەتتەن بەرىلەتىن نىسانالى ترانسفەرتتەر – 119،8 ملرد. تەڭگە ەسەبىنەن قالىپتاستىرىلدى.
جەرگىلىكتى بيۋدجەتتىڭ بازاسىنا قوسىمشا 160،4 ملرد. تەڭگە شىعىستار بەرىلگەنىن ايتا كەتۋ قاجەت. ەندى بۇل شىعىستار رەسپۋبليكالىق بيۋدجەتتەن قوسىمشا قاراجات بولىنبەي جەرگىلىكتى بيۋدجەتتەن قارجىلاندىرىلاتىن بولادى. اتالعان قاراجات پەداگوگتەرگە، دارىگەرلەرگە، الەۋمەتتىك قىزمەتكەرلەرگە جانە ت.ب. اقى مەن ۇستەمەاقى تولەۋگە باعىتتالادى.
ۇسىنىلعان 2023-2025 جىلدارعا ارنالعان بيۋدجەت جوباسى الماتى قالاسىن دامىتۋدىڭ 2025 جىلعا دەيىنگى باعدارلاماسىندا جانە 2030 جىلعا دەيىنگى ورتا مەرزىمدى پەرسپەكتيۆالاردا (بۇدان ءارى – دامۋ باعدارلاماسى) ايقىندالعان نەگىزگى باسىمدىقتاردى ەسكەرە وتىرىپ قالىپتاستىرىلدى، ونى ءبىز سىزدەرمەن بىرگە بيىل قىركۇيەك ايىندا بەكىتتىك.