الماتىدا ءبىرقاتار الاياقتىق جاساعان رەسەيلىك ۇستالدى

پوليسيا قىزمەتكەرلەرى ءبىرقاتار الاياقتىق جاساعانى ءۇشىن 52 جاستاعى س.ەسىمدى ازاماتتى ۇستادى.

پوليسيانىڭ مالىمەتىنشە، قازىرگى ۋاقىتتا كۇدىكتىنىڭ ءۇش ەپيزودقا قاتىسى بار ەكەندىگى انىقتالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.

 «قىلمىستىڭ تىزبەگى قاراپايىم بولدى: اڭقاۋ ازاماتتار تاكسي جولاۋشىسى سياقتى كورىنىپ، جۇرگىزۋشىمەن ءتىل تابىسىپ العان الاياقتىڭ ايلاسىنا وڭاي ءتۇسىپ قالاتىن. جول-جونەكەي ەر ادام جۇرگىزۋشىنى تەحنيكا مەن باسقا دا حالىق تۇتىناتىن تاۋارلاردى نارىقتان تومەن باعامەن الۋعا مۇمكىندىگى بار ەكەنىنە سەندىردى. ودان ءارى ول تاكسي جۇرگىزۋشىلەرىنە تاۋاردى ساتۋعا كومەكتەسەمىن دەپ ۋادە بەردى. ول ءۇشىن جەكە تاكسي جۇرگىزۋشىلەرى ءتيىمدى كاسىپكە قاراجات سالۋ ءۇشىن اقشانى تەز ارادا تاۋىپ، قاسكويگە بەرۋى كەرەك بولدى. وكىنىشكە قاراي، قالانىڭ ءۇش تۇرعىنى قاسكويدىڭ قىلمىستىق تورىنا ءتۇسىپ قالدى»، – دەدى مەدەۋ اۋداندىق پوليسيا باسقارماسى باستىعىنىڭ ورىنباسارى تيمۋر مۋلينوۆ.

تەرگەۋ جابىرلەنۋشىلەردىڭ ودان دا كوپ بولۋى مۇمكىن ەكەنىن جوققا شىعارمايدى. سوندىقتان پوليسيا قىزمەتكەرلەرى س.ەسىمدى ازاماتتىڭ ارەكەتىنەن زارداپ شەككەن ادامداردى مەدەۋ اۋداندىق پب-عا نەمەسە مىنا تەلەفون نومىرلەرى ارقىلى حابارلاسۋعا شاقىرادى: 254-48-02؛ 254-48-01؛ 8-707-142-01-11.