ولار ۋاقىتشا ۇستاۋ يزولياتورىنا قامالدى.
الماتىلىق ەكى تۇرعىننىڭ كولىكتە جاسالعان 20-دان استام ۇرلىق دەرەگىنە قاتىسى بار ەكەندىگى دالەلدەندى، دەپ حابارلايدى Almaty-akshamy.kz Polisia.kz-كە سىلتەمە جاساپ.
28 جاستاعى گ.ەسىمدى ازامات پەن ونىڭ قۇرداسى ن.ەسىمدى ازامات كولىك سالونىنان بىرنەشە ۇرلىق جاسادى دەگەن كۇدىككە ىلىنگەن.
«ۇرلىق دەرەگى بويىنشا جەرگىلىكتى تۇرعىن ارىزداندى. ونىڭ ايتۋىنشا، بەلگىسىز بىرەۋلەر Volkswagen Touareg كولىگىنە اينەكتى سىندىرۋ ارقىلى كىرىپ، جەكە مۇلكىن ۇرلاپ كەتكەن. جابىرلەنۋشىگە كەلتىرىلگەن شىعىن 1،5 ملن تەڭگەنى قۇرايدى. جەدەل-ىزدەستىرۋ ءىس-شارالارىنىڭ بارىسىندا ءبىزدىڭ بولىمشە قىزمەتكەرلەرى ۇرلانعان زاتتاردى ساتىپ الۋشىلاردىڭ جانە قاسكويدىڭ ىزىنە ءتۇستى. كۇدىكتىلەردىڭ اۋدانىمىزدا 10، قالادا 20-دان استام قىلمىس جاساعانى انىقتالدى. ۇستاۋ كەزىندە ولاردان، ۇرلانعان قارۋ تاركىلەندى»، – دەيدى اۋەزوۆ اۋداندىق پوليسيا باسقارماسىنىڭ باستىعى ۇلان ءابىلقايىر.
بۇعان دەيىن ەكى كۇدىكتى دە بوتەننىڭ مۇلكىن ۇرلاعانى ءۇشىن بىرنەشە رەت سوتتالعانى بەلگىلى. قازىرگى ۋاقىتتا ۇستالعاندار ۇرلىق جاساعاندارىن مويىنداپ جاتىر. ولار ۋاقىتشا ۇستاۋ يزولياتورىنا قامالدى. اتالعان دەرەك بويىنشا ق ر قك-نىڭ 188-بابى 3-بولىگىنە سايكەس سوتقا دەيىنگى تەرگەۋ امالدارى جۇرگىزىلۋدە.