الماتىلىق پوليسەيلەر بىرنەشە الاياقتىق فاكتىسىنە قاتىسى بار ايەلدى ۇستادى.
55 جاستاعى ايەل ءبىرقاتار قىزمەت تۇرلەرىن الۋدا ءوزىن دەلدال رەتىندە “ۇسىنعان” تۋرالى بولىپ وتىر، دەپ حابارلايدى Almaty-akshamy.kz Polisia.kz-كە سىلتەمە جاساپ.
«بۇرىن ءىستى بولعان كۇدىكتى، جالعان ەسىمدەردى پايدالانىپ، بەلگىلى ءبىر ماسەلەلەردى شەشۋ ءۇشىن ازاماتتاردىڭ اقشاسىن زاڭسىز يەمدەنگەن. يپوتەكا جانە مەملەكەتتىك باعدارلاما بويىنشا پاتەر الۋعا، باستاپقى جۇرگىزۋشى كۋالىگىن الۋعا، وقۋ ورىندارىنا تۇسۋگە، فاكۋلتەتتەردەن اۋىسۋعا جانە ت.ب. كومەكتەسۋگە ۋادە بەردى. كەيبىرەۋلەرگە ايەل ادام ايتقان شارتتار تارتىمدى جانە ءتيىمدى بولىپ كورىندى. ولار جيناقتارىن دەلدالعا بەرىپ، ونىڭ ورنىنا ۋادەلەر مەن كەپىلدىكتەر العان. قازىرگى ۋاقىتتا پوليسياعا 7 ادام ارىزدانعان. ول ۇستالدى»، – دەدى بوستاندىق اۋداندىق پوليسيا باسقارماسىنىڭ باستىعى ماقسات قاناپيايەۆ.
اتالعان دەرەك ق ر قك-نىڭ 190-بابى 3-بولىگى (الاياقتىق) بويىنشا تەرگەلىپ جاتىر.