الماتى قالاسى الاتاۋ اۋدانىنداعى №156 جالپى ءبىلىم بەرەتىن مەكتەپتە "ءبىرىنشى سىنىپ وقۋشىلارىن جاياۋ جۇرگىنشىلەر قاتارىنا قابىلداۋ" اتتى تاربيەلىك ءىس-شارا ءوتتى.
شارانىڭ ماقساتى – باستاۋىش سىنىپ وقۋشىلارىنا جولدا ءوزىن-وزى ءقاۋىپسىز ۇستاۋ داعدىلارىن دارىتىپ، جول قوزعالىسى ەرەجەلەرىن ساقتاۋ مادەنيەتىن قالىپتاستىرۋ، - دەپ حابارلايدى Aqshamnews.kz.
باعدارلاما اياسىندا بالالارعا ارنالعان جول ءجۇرۋ ەرەجەلەرىنە قاتىستى ينتەراكتيۆتى ساباقتار ۇيىمداستىرىلىپ، بىلىمدەرىن بەكىتۋگە ارنالعان تاجىريبەلىك تاپسىرمالار ورىندالدى. سونىمەن قاتار وقۋشىلار جول پوليسياسى قىزمەتكەرلەرىمەن كەزدەسىپ، سالتاناتتى تۇردە "جاس جاياۋ جۇرگىنشى" انتىن قابىلدادى.
- بالالاردىڭ جولداعى ءقاۋىپسىز ءجۇرىس-تۇرىس داعدىلارىن قالىپتاستىرۋ – جول-كولىك وقيعالارىنىڭ الدىن الۋداعى اسا ماڭىزدى باعىت. ءبىز ءاربىر بالانىڭ مەكتەپ تابالدىرىعىن اتتاعان ساتتەن باستاپ جول ەرەجەلەرىن ءتۇسىنىپ، ونى قۇرمەتتەي ءبىلۋىن قالايمىز. مۇنداي ءىس-شارالار بالالاردىڭ ءوز قاۋىپسىزدىگىنە جانە اينالاسىنداعى ادامداردىڭ اماندىعىنا دەگەن جاۋاپكەرشىلىك سەزىمىن تاربيەلەۋگە ىقپال ەتەدى، – دەدى الماتى قالاسى پد جەرگىلىكتى پوليسيا قىزمەتى باسقارماسىنىڭ باستىعى سەرىك شۋمايەۆ.
الماتى قالاسى پوليسيا دەپارتامەنتى مۇنداي باستامالاردىڭ "پروفيلاكتيكا" جىلى اياسىندا جۇزەگە اسىپ جاتقانىن جانە بالالار اراسىنداعى جول-كولىك جاراقاتتارىن ازايتۋعا باعىتتالعان كەشەندى جۇمىستىڭ ءبىر بولىگى ەكەنىن اتاپ ءوتتى.