قالامىزدا بۇگىنگە دەيىن ەكپە سالدىرعانداردىڭ سانى 628 132 ادامعا جەتتى.
الماتى قالاسىندا ءبىر تاۋلىكتە 12 471 ادام كوروناۆيرۋسقا قارسى ۆاكسينا سالدىردى، دەپ حابارلايدى Almaty-akshamy.kz قالالىق قوعامدىق دەنساۋلىق ساقتاۋ باسقارماسىنا سىلتەمە جاساپ.
«14 شىلدە كۇنى 12 471 الماتىلىق ۆاكسينا سالدىردى. بيىلعى جىلدىڭ 1 اقپانى مەن 14 شىلدەسى ارالىعىندا قالادا بارلىعى 628 132 ادام ۆاكسينا سالدىردى. ۆاكسينا العانداردىڭ جالپى سانىنان 60 جاستان اسقان قارت كىسىلەردىڭ ۇلەسى - 92 352»، - دەپ حابارلادى باسقارمادا.
قالالىق قوعامدىق دەنساۋلىق ساقتاۋ باسقارماسىنىڭ مالىمەتىنشە، قالادا 212 ۆاكسينالاۋ پۋنكتى جۇمىس ىستەپ تۇر. 1 260 ادامنان تۇراتىن 308 ەگۋ بريگاداسى بار. سونىمەن قاتار، 40 كوشپەلى ءموبيلدى بريگادا ۇيىمداستىرىلعان. ءقازىر مەديسينالىق ۇيىمداردا، مەكتەپتەردە، مادەنيەت، سپورت وبەكتىلەرىندە، بازارلار مەن قالانىڭ سوسو-دا ۆاكسينالاۋ پۋنكتتەرى جۇمىس ىستەيدى.