روزا رىمبايەۆا جانە باسقا دا ەسترادا جۇلدىزدارى الماتىنىڭ باس شىرشاسىنىڭ شامدارىن جاعۋ كەزىندە ونەر كورسەتەدى، دەپ حابارلايدى aqshamnews.kz
بۇگىن الماتىداعى بارلىق 80 شىرشانىڭ شامدارى 19:00-دە جاعىلادى. باس شىرشانىڭ شامىن جاعۋ ءراسىمى اباي اتىنداعى الاڭدا وتەدى. بيىكتىگى 25 مەتر بولاتىن شىرشانى بەزەندىرۋ ءۇشىن 6 شاقىرىم گيرلياندا، ساندىك ەلەمەنتتەر، شىرشا شارلارى، ءىرى بانتتار جانە قايتا وڭدەلگەن ەكولوگيالىق ءقاۋىپسىز ماتەريالداردان جاسالعان جاڭا جىلدىق ويىنشىقتار پايدالانىلدى.
شىرشا شامدارىن جاعۋ راسىمىنە دەيىن، ساعات 18:00-دە اباي الاڭىنداعى رەسپۋبليكا سارايىنىڭ الدىندا «الماتىنىڭ 8 كەرەمەتى: وتباسىلىق مەرەكە — تاڭعاجايىپ جاڭا جىل» اتتى اۋقىمدى شوۋ باستالادى. ءىس-شارادا روزا رىمبايەۆا، تۇرار، بالجان بيداش، «الفا» توبى، دينارا، نازىم ءادىلدينا، ءمادي رىمبايەۆ، Dakelot، «استرا» توبى، Adill جانە Malika Yes جانە باسقا دا ەسترادا جۇلدىزدارى ونەر كورسەتەدى (كىرۋ تەگىن).
اباي الاڭىنا كەلگەن قالا تۇرعىندارى مەن قوناقتارىن كۇلبيكە كۇيمەسى، ءزىمبىر ادام جانە باسقا دا ەرتەگى كەيىپكەرلەرى قارسى الادى. ءىرى ءارى جارقىن فوتوزونالار، جارقىراعان سۋبۇرقاقتار جانە باسقا دا ينستاللياسيالار حالىققا ەرەكشە مەرەكەلىك اتموسفەرا سىيلايدى. ءىس-شاراعا كەلگەن قوناقتار ەستەلىك فوتوسۋرەت جاساپ، جاڭا جىلدىق بەينە تۇسىرە الادى.
سونىمەن قاتار، اباي الاڭىندا 2024 جىلدىڭ 20 جەلتوقسانىنان 2025 جىلعى 5 قاڭتارعا دەيىن مەرەكەلىك جارمەڭكە وتەدى. مۇندا قولونەر بۇيىمدارى، كادەسىيلار جانە جاڭا جىلدىق ويىنشىقتار ۇسىنىلادى.
ساعات 18:00-دەن باستاپ مەرەكەلىك ءىس-شارالار قالانىڭ 8 اۋدانىندا دا وتەدى:
الاتاۋ اۋدانىندا – «الاتاۋ» ءداستۇرلى ونەر تەاترىنىڭ اۋماعىندا (نۇركەنت شاعىن اۋدانى، 6).
المالى اۋدانىندا – عابيت مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنىڭ اۋماعىندا (ابىلاي حان داڭعىلى، 38).
اۋەزوۆ اۋدانىندا – ن.ساس اتىنداعى مەملەكەتتىك اكادەميالىق ورىس بالالار مەن جاسوسپىرىمدەر تەاترىنىڭ اۋماعىندا (شالياپين كوشەسى، 22).
بوستاندىق اۋدانىندا – «اتاكەنت» كورمە ورتالىعىنىڭ الاڭىندا (تيميريازيەۆ پەن اۋەزوۆ كوشەلەرىنىڭ قيىلىسى).
مەدەۋ اۋدانىندا – Dostyk Plaza ساۋدا ويىن-ساۋىق ورتالىعىنىڭ اۋماعىندا جانە دوستىق داڭعىلى، 85ا/1 مەكەنجايىندا.
ناۋرىزباي اۋدانىندا – امفيتەاتر الاڭىندا (شۇعىلا شاعىن اۋدانى، 347).
تۇركسىب اۋدانىندا – №6 وقۋشىلار ءۇيىنىڭ اۋماعىندا (سەيفۋللين داڭعىلى، 13/1).
جەتىسۋ اۋدانىندا – اينابۇلاق شاعىن اۋدانىنداعى ارباتتا (ماقاتايەۆ پەن جۇمابايەۆ كوشەلەرىنىڭ قيىلىسى).