اۆتوبۋس بالالاردى بالاباقشاعا تاسىعان
الماتى وبلىسى قاراساي اۋدانى شامالعان اۋىلىندا بۇگىن شاعىن اۆتوبۋستىڭ استىندا قالعان ءبىر جاسار ءسابي كوز جۇمدى، - دەپ حابارلايدى Almaty-akshamy.kz Polisia.kz سايتىنا سىلتەمە جاساپ.
ميكرواۆتوبۋس رولىندە بۇلدىرشىندەردى بالاباقشالارعا تاسىمالداۋمەن اينالىساتىن 69 جاستاعى ەر ادام بولعان.
اناسى ۇلكەن ۇلىن بالاباقشاعا جىبەرۋ بارىسىندا ءسابي شاعىن اۆتوبۋسقا تىم جاقىن تۇرعان. كولىك قوزعالعاندا ول دوڭگەلەكتەردىڭ استىنا ءتۇسىپ قالعان.
قاراساي اۋدانىنىڭ پوليسيا بولىمىندە ق ر قك-نىڭ 345-بابى 3-بولىگى (ابايسىزدا ادام ولىمىنە اكەپ سوققان جول قوزعالىسى ەرەجەلەرىن بۇزۋ) بويىنشا قىلمىستىق ءىس تىركەلدى. قاجەتتى ساراپتامالار تاعايىندالدى.