الماتى قالاسى ءبىلىم بەرۋ ساپاسىن قامتاماسىز ەتۋ دەپارتامەنتىنىڭ باسشىسى گۇلنار ەرمەكبايەۆا وڭىرلىك كوممۋنيكاسيالار قىزمەتىنىڭ بريفينگىندە وسى وقۋ جىلىندا بەكىتىلگەن ءتىزىم بويىنشا مەنشىك نىسانىنا قاراماستان ءبىلىم بەرۋ ۇيىمدارى اتتەستاتتاۋ راسىمىنەن ءوتىپ جاتقانىن مالىمدەدى، دەپ حابارلايدى اlmaty-akshamy.kz.
سپيكەردىڭ ايتۋىنشا، 2022 جىلعا 186 ۇيىم (مەكتەپكە دەيىنگى، ورتا ءبىلىم بەرۋ جانە تجكب ۇيىمدارى) جوسپارلانعان، 87 ۇيىمدا اتالعان ءراسىم جۇرگىزىلدى، ونىڭ ىشىندە 33ء-ى اتتەستاتتالماعان، بۇل 38 پايىزدى قۇرايدى، اتتەستاتتالماعان ۇيىمداردىڭ نەگىزگى بولىگى – بۇل مەكتەپكە دەيىنگى مەكەمەلەر.
مەملەكەتتىك اتتەستاتتاۋ مەملەكەتتىك جالپىعا مىندەتتى ءبىلىم بەرۋ ستاندارتى تالاپتارىنىڭ ساقتالۋىن باقىلاۋ جانە ءبىلىم بەرۋ ۇيىمدارىنا ادىستەمەلىك كومەك كورسەتۋ ماقساتىندا ءبىلىم بەرۋ ۇيىمدارىنا بارماي پروفيلاكتيكالىق باقىلاۋ بويىنشا وتكىزىلەدى.
مەملەكەتتىك اتتەستاتتاۋ اياسىندا وقۋشىلاردىڭ ءبىلىمىن باقىلاۋ، اتا-انالارعا ساۋالناما جۇرگىزۋ، ءبىلىم بەرۋ ۇيىمدارىنىڭ ءوزىن-وزى باعالاۋى جانە ت.ب. كوزدەلەدى.
«الەۋمەتتىك جەلىلەردە دەپارتامەنتتىڭ رەسمي اككاۋنتتارى اشىلعانىنا نازار اۋدارعىم كەلەدى، حالىقپەن جەدەل كەرى بايلانىس ورناتۋ جانە قىسقا مەرزىمدە كومەك كورسەتۋ ماقساتىندا مەنىڭ جانە ورىنباسارىمنىڭ جەكە بايلانىس تەلەفون نومىرلەرى جاريالاندى. بۇل اككاۋنتتار جۇمىسىنىڭ ناتيجەسى جەدەل ساۋالناما، ۋاقتىلى كومەك كورسەتۋ بولىپ تابىلادى، بۇگىنگى كۇنى حالىقپەن قارىم-قاتىناس سالاسىندا ايتارلىقتاي جۇيەلى ىلگەرىلەۋ بايقالادى. دەپارتامەنتتە تۇراقتى نەگىزدە ازاماتتاردى جەكە ماسەلەلەرى بويىنشا قابىلداۋ جۇرگىزىلەدى»، - دەپ اتاپ ءوتتى گ. ەرمەكبايەۆا.
"سونىمەن قاتار تەگىن كونسۋلتاسيالىق كومەك كورسەتەتىن bala.gov.kz ۆەب-سايتى ىسكە قوسىلىپ، بۇگىنگى كۇنى مەكتەپتە، ۇيدە جانە كوشەدە قيىندىقتارعا تاپ بولعان وقۋشىلارعا جانە ولاردىڭ اتا-اناسىنا كومەك كورسەتىلۋدە. بالالار جانە ولاردىڭ اتا-انالارى QR-سايتتى ءار مەكتەپتە ورناتىلعان تاقتايشادان سكانەرلەۋ ارقىلى «Balaqorgau» سايتىنا وتە الادى. سايتتا پروبلەمالىق جاعدايلاردى شەشۋ بويىنشا كەڭەستەرمەن تانىسا الاسىزدار. سونىمەن قاتار، ۇلگىنى تولتىرىپ، مامانمەن جەكە كەڭەس الۋعا مۇمكىندىك بار.
بالالاردىڭ قۇقىقتارىن بۇزۋ تۋرالى ءاربىر جاعداي ءمان-جاپسارى انىقتالىپ، تولىق شەشىمىن تاپقانعا دەيىن باقىلاۋدا بولادى"، - دەپ اتاپ ءوتتى سپيكەر.