18-19 قازاندا قالادا الماتى وبلىسى تاۋار وندىرۋشىلەرىنىڭ كەڭەيتىلگەن اۋىل شارۋاشىلىعى جارمەڭكەسى وتەدى. ءىس-شارا وتاندىق وندىرۋشىلەردى قولداۋعا، ءبىرىنشى قاجەتتىلىكتەگى ازىق-تۇلىك باعاسىن تۇراقتاندىرۋعا جانە جاعىمدى سيپاتتاعى كوڭىل-كۇي قالىپتاستىرۋعا باعىتتالعان «بەرەكە Fest» رەسپۋبليكالىق باستاماسى اياسىندا وتەدى.
ەكى كۇن بويى قالا تۇرعىندارى مەن قوناقتارى بالعىن، جاڭا پىسكەن ءارى ساپالى ونىمدەردى تىكەلەي اۋىل شارۋاشىلىعى وندىرۋشىلەرىنەن ساتىپ الا الادى. جارمەڭكەگە الماتى وبلىسىنىڭ 12 اۋدانى جانە قونايەۆ قالاسى قاتىسادى. قالا تۇرعىندارىنا 50-دەن استام ءونىم ءتۇرى: ەت جانە ءسۇت، جەمىستەر مەن كوكونىستەر، شۇجىق ونىمدەرى، ۇن، جارما، وسىمدىك جانە مالدىڭ مايى ۇسىنىلادى.
جارمەڭكەدەگى ءونىمنىڭ جالپى كولەمى 350 توننا، ونىڭ ىشىندە 100 توننا ەت، 100 توننا جەمىس-كوكونىس، 50 توننا ءسۇت جانە 120 توننا باسقا دا ونىمدەر.
جارمەڭكە ساعات 8:00-دەن 17:00-گە دەيىن قازىبەك بي كوشەسىندە، ابىلاي حان داڭعىلىنان پانفيلوۆ كوشەسىنە دەيىنگى ارالىقتا وتەدى. «بەرەكە Fest» ازىق-تۇلىك قاۋىپسىزدىگىن نىعايتۋ، جەرگىلىكتى ءوندىرىستى دامىتۋ جانە قازاقستاندىق تاۋارلاردى ناسيحاتتاۋ ءۇشىن جاعداي جاساي وتىرا، ەلدەگى وڭىرلەردى بىرىكتىرەدى.