ۇنەمى سۋ باساتىن جەرلەردى بولدىرماۋ اياسىندا اۋدان بويىنشا 12 ۋچاسكە انىقتالدى.
كوشەلەردى سۋ باسۋ ماسەلەسىن شەشۋ جونىندە الماتى اكىمى ەربولات دوسايەۆتىڭ المالى اۋدانىندا قالا تۇرعىندارىمەن وتكەن كەزەكتى كەزدەسۋدە ايتىلدى، دەپ حابارلايدى Almaty-akshamy.kz.
4 ۋچاسكەدەگى جۇمىستار ايتەكە بي كوشەسىنىڭ نازاربايەۆ داڭعىلى، ابىلاي حان داڭعىلى جانە پانفيلوۆ كوشەسىمەن قيىلىسىنداعى، سونداي-اق ماسانشى كوشەسىنىڭ ماقاتايەۆ كوشەسىمەن قيىلىسىنداعى ۋچاسكەلەر كوللەكتورىنا قوسىلا وتىرىپ اياقتالدى.
«جىل سوڭىنا دەيىن ماقاتايەۆ كوشەسىنىڭ بويىنداعى جالپى ۇزىندىعى 3،6 كم كوللەكتور قالپىنا كەلتىرىلەدى. رايىمبەك داڭعىلىنىڭ بويىنان قوسىمشا 2،3 كم جاڭا ارىق جەلىسى مەن 1،6 كم كانال سالامىز»، - دەدى الماتى اكىمى ە.دوسايەۆ.
وسى ايدا اكىمدىك 2024 جىلدىڭ سوڭىنا دەيىن جۇمىستاردى اياقتاپ، 52 ۋچاسكەدە 34 كم ارىق جەلىسىن رەكونسترۋكسيالاۋدى جانە سالۋدى باستايدى.