2025 جىلعى 28 قاڭتار مەن 5 اقپان ارالىعىندا الماتى قالاسىنىڭ بەلسەندى ۇزاق ءومىر ءسۇرۋ ورتالىعىندا ليالينا ولگانىڭ جەكە شىعارماشىلىق كورمەسى وتەدى.
75 جاستاعى زەينەتكەر ەكونوميست، بۇرىن عىلىم اكادەمياسىندا ۇزاق جىلدار جۇمىس ىستەگەن. كەسكىندەمە ونەرىنە 68 جاسىندا عانا قىزىعۋشىلىق تانىتقان.
ولگا ليالينا بەلسەندى ۇزاق ءومىر ءسۇرۋ ورتالىعىنا قوسىلعاننان بەرى قازاقستان سۋرەتشىلەر وداعىنىڭ مۇشەسى، اكادەميك مارلان نىسانبايەۆتىڭ كەسكىندەمە ساباقتارىنا قاتىسىپ، سۋرەت سالۋ شەبەرلىگىن جەتىلدىرۋدە. كورمەدە ونىڭ اكۆارەل، گۋاش جانە اكريل تەحنيكاسىنداعى 15 شىعارماسى ۇسىنىلادى. اۆتور ناتيۋرمورت جانرىن ەرەكشە ۇناتادى.
كورمەنىڭ اشىلۋى:
- وتەتىن كۇنى: 28 قاڭتار 2025 جىل
- ۋاقىتى: ساعات 11:00
- وتەتىن ورنى: الماتى قالاسىنىڭ بەلسەندى ۇزاق ءومىر ءسۇرۋ ورتالىعى، ماۋلەنوۆ كوشەسى، 46ا.
بەلسەندى ۇزاق ءومىر ءسۇرۋ ورتالىعى 2022 جىلى الماتى قالالىق جۇمىسپەن قامتۋ جانە الەۋمەتتىك باعدارلامالار باسقارماسىنىڭ قولداۋىمەن قۇرىلعان. ورتالىق زەينەتكەرلەرگە بوس ۋاقىتتى ءتيىمدى وتكىزۋ ءۇشىن كۋرستار مەن شىعارماشىلىق شارالار ۇسىنادى. مۇنداي ءىس-شارالار قارت ازاماتتاردىڭ شىعارماشىلىق الەۋەتىن اشۋعا مۇمكىندىك بەرىپ، ولاردىڭ ءومىر ءسۇرۋ ساپاسىن ارتتىرۋعا باعىتتالعان.