الماتى قالاسىنىڭ مەدەۋ اۋدانىندا «بەلسەندى ۇزاق ءومىر» ورتالىعى اشىلدى، دەپ حابارلايدى اlmaty-akshamy.kz.
بۇل ورتالىقتىڭ نەگىزگى ماقساتى – ەگدە جاسىنا بايلانىستى وزىنە قىزمەت كورسەتۋگە مۇمكىندىگى جوق قارتتارعا جانە زەينەت جاسىنا جەتكەن ازاماتتارعا، سونىمەن قاتار زەينەت جاسىنا جەتىپ، دەنساۋلىق جاعدايىنا بايلانىستى ەمگە مۇقتاج قارتتارعا جارتىلاي ستاسيونارلىق جاعدايدا قىزمەت كورسەتۋ.
79 جاستاعى ىرىمبالا ساتتانوۆا – جاڭا ورتالىققا العاش كەلۋشىلەردىڭ ءبىرى. نەمەرە-شوبەرەلەرىن اياقتاندىرعان اجە ەندى وزىنە ۋاقىت تاۋىپ، دەنساۋلىعىن كۇتىپ ءجۇر. وسى ورتالىقتا ءتۇرلى ءىس-شاراعا قاتىسىپ، زامانداستارىمەن بىرگە ۋاقىتىن ءتيىمدى ءارى پايدالى وتكىزگىسى كەلەدى.
"2019 جىلدان باستاپ قالانىڭ ورتاسىنداعى «بەلسەندى ۇزاق ءومىر» ورتالىعىنا بارىپ جۇردىك. بىزگە الىس بولاتىن. ەندى مىنە ءۇيىمىزدىڭ جانىنان اشىلىپ قۋانىپ وتىرمىز. وسى ءبىر اۋداننىڭ وزىنەن 90-عا جۋىق قاريالار بار. بارلىعىمىز وسى جەرگە كەلىپ ۇيىرمەلەرگە قاتىسىپ، ۋاقىتىمىزدى وتكىزەتىن بولدىق. وسى ۋاقىتقا دەيىن سكانديناۆيالىق ءجۇرىس، يوگا، اعىلشىن ءتىلى سىندى ۇيىرمەلەرگە قاتىسىپ، وزىمىزبەن قاتارلسا جانداردى كەزدەستىرگەن ەدىك"، – دەيدى زەينەتكەر ىرىمبالا ساتتانوۆا.
ورتالىقتا كوپتەگەن قىزمەت ءتۇرى كورسەتىلەدى. اتاپ ايتساق، يوگا، ساۋىقتىرۋ جانە ۇزاق ءومىر ءسۇرۋ پسيحولوگياسى، بي، جادتى نىعايتۋ تەحنيكاسى، سيگۋن، سكانديناۆيالىق سەرۋەندەۋ، ۆوكال جانە حور، ەمدىك دەنە شىنىقتىرۋ، قازاق جانە اعىلشىن تىلدەرى، پسيحولوگ پەن زاڭگەر كەڭەسى، ەڭبەك تەراپياسى جانە ساندىك-قولدانبالى ونەر، توعىزقۇمالاق جانە شاحمات، اكتەرلىق شەبەرلىك، اكۆا اەروبيكا، تەننيس.