الماتىدا بەلگىلەنبەگەن جەردەن تەمىرجولدى كەسىپ وتكەن ەر ادامدى پويىز قاعىپ كەتتى

الماتىدا ەر ادامدى پويىز قاعىپ، مەرت قىلدى.

كولىكتەگى پوليسيا دەپارتامەنتىنىڭ مالىمەتىنشە، قايعىلى وقيعا 8 ماۋسىم كۇنى كەشكى ساعات 22:10 شاماسىندا الماتى-1 جانە الماتى-2 ستانسيالارى اراسىنداعى ۋچاسكەدە بولعان، دەپ حابارلايدى Almaty-akshamy.kz قازاقپاراتقا سىلتەمە جاساپ. 

«كولىك پوليسياسىنىڭ كەزەكشى بولىمىنە جولاۋشىلار پويىزىنىڭ بەلگىلەنبەگەن جەردە تەمىرجولدى كەسىپ ءوتىپ بارا جاتقان ەر ادامدى قاعىپ كەتكەنى تۋرالى حابارلاما ءتۇستى. زارداپ شەككەن تۇرعىن العان جاراقاتى سالدارىنان اۋرۋحانادا كوز جۇمدى»،- دەيدى ق ر ءىىم كولىكتەگى پوليسيا دەپارتامەنتىنىڭ باسپا ءسوز حاتشىسى لياززات قاسىمجانوۆا.

اتالعان دەرەك ق ر قىلمىستىق كودەكسىنىڭ 344-بابىنىڭ 2-بولىگى (ابايسىزدا ادام ولىمىنە اكەپ سوققان جول قوزعالىسى نەمەسە تەمىرجول كولىگىن پايدالانۋ قاۋىپسىزدىگى قاعيدالارىن بۇزۋ) بويىنشا سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىنە تىركەلدى.

«وزگە مالىمەتتەر، ق ر قىلمىستىق-پروسەستىك كودەكسىنىڭ 201-بابىنىڭ تالاپتارىنا سايكەس، تەرگەۋ مۇددەسى ءۇشىن جاريا ەتىلمەيدى»، - دەپ اتاپ ءوتتى ۆەدومستۆو وكىلى.

سونىمەن قاتار، ول تەمىرجولدىڭ ءقاۋىپتى ايماق ەكەنىن ەسكە سالدى.