الماتىدا بەيتانىس قىزدىڭ التىنىن ۇپتەپ كەتكەن الاياق ايەل ۇستالدى

الماتىدا ايەل بەيتانىس قىزدى الداپ، التىنىن ۇرلاپ كەتكەن.

الاياقتىق جاسادى دەگەن كۇدىككە ىلىنگەن 34 جاستاعى م.ەسىمدى ازامتاشانى ۇستاۋ كەزىندە ءتورت التىن ساقينا تاركىلەندى، دەپ حابارلايدى Almaty-akshamy.kz Polisia.kz-كە سىلتەمە جاساپ.

«جابىرلەنۋشىنىڭ ايتۋىنشا، كوشەدە بەلگىسىز ايەل وعان جاقىنداپ، ونىڭ بويىندا وتە اۋىر دۋا بار ەكەنىن ايتىپ، اكەسى اۋىرىپ قالاتىنىنا سەندىرگەن. سوندىقتان دەرەۋ ارنايى ءراسىم جاساۋ ارقىلى دۋانى الىپ تاستاۋ كەرەكتىگىن ايتقان. قىز ويلانباستان ۇيىنە بارىپ، بار التىن بۇيىمدارىن جيناپ، بەيتانىس ايەلگە بەرەدى. جەدەل ىزدەستىرۋ ءىس-شاراسى بارىسىندا كۇدىكتى قاماۋعا الىندى. التىن بۇيىمدار ايعاقتى زات رەتىندە تاركىلەنىپ، قىلمىستىق ءىس ماتەريالدارىنا تىركەلدى. كەلتىرىلگەن شىعىن كولەمى شامامەن 250 مىڭ تەڭگەنى قۇرادى. قازىرگى ۋاقىتتا تەرگەۋشىلەر ايعاقتاردى انىقتاپ، ۇستالعان ازاماتشانىڭ بۇرىن جاسالعان وسىعان ۇقساس قىلمىستارعا قاتىسى بار-جوعىن انىقتاپ جاتىر»، – دەدى المالى اۋداندىق پوليسيا باسقارماسىنىڭ باستىعى ەسەن ىسقاقوۆ.

ايتپاقشى، كۇدىكتىنىڭ بۇعان دەيىن وسىعان ۇقساس قىلمىستاردى جاساعانى ءۇشىن سوتتىلىعى بولعان. ال ءتارتىپ ساقشىلارى ۇستالعان ازاماتشانىڭ سۋرەتىن مۇقيات قاراپ، ونى تانىعان جاعدايدا مىنا تەلەفون نومىرلەرىنە حابارلاسۋعا شاقىرادى: 8-708-707-92-02؛ 8-775-106-18-84.