الماتىدا بەيسەمباي كەنجەباي ۇلىنىڭ قۇرمەتىنە مەموريالدىق تاقتا اشىلدى

الماتىدا كورنەكتى ادەبيەتتانۋشى عالىم، پروفەسسور بەيسەمباي كەنجەباي ۇلىنىڭ قۇرمەتىنە مەموريالدىق تاقتانىڭ سالتاناتتى اشىلۋ ءراسىمى ءوتتى.

ءىس-شاراعا الماتى قالاسى اكىمىنىڭ ورىنباسارى ارمان قى­رىقبايەۆ، قالالىق مادەنيەت باس­قارماسىنىڭ باسشىسى عاني مايليبايەۆ، قازاق ادەبيەتىنىڭ مايتالمانى دۋلات يسابەكوۆ، م.اۋەزوۆ اتىنداعى مادەنيەت جانە ونەر ينستيتۋتىنىڭ ديرەكتو­رى، اكادەميك كەنجەحان ماتىجا­نوۆ جانە ادەبيەتتانۋشى عالىم­نىڭ شاكىرتتەرى، تۋعان-تۋىستارى، جاس ادەبيەت سۇيەر قاۋىم قاتىستى.

شارانى بەيسەمباي كەنجە­باي ۇلىنىڭ شاكىرتى، ادەبيەتتانۋ­شى، فيلولوگيا عىلىمىنىڭ دوكتو­رى، پروفەسسور قۇلبەك ەرگوبەك جۇرگىزىپ وتىردى. مەموريالدى تاقتانى اشۋعا مۇرىندىق بولعان الماتى قالاسى اكىمىنىڭ ورىنباسا­رى ارمان قىرىقبايەۆ ايتۋلى كۇن­دە جينالعان قاۋىمعا ريزاشىلى­عىن ءبىلدىردى.

بەيسەمباي كەنجەباي ۇلى عا­لىم، فيلولوگيا عىلىمىنىڭ دوك­تورى، پروفەسسور. «جاس قايرات»، «لەنينشىل جاس»، «كەڭەس تۋى»، «وڭتۇستىك قازاقستان»، «سوسيا­ليستىك قازاقستان» گازەت-جۋرنالدا­رىندا ەڭبەك ەتكەن.

جازۋشى، قازاقستان رەسپۋبلي­كاسىنىڭ مەملەكەتتىك سىيلىعى­نىڭ يەگەرى دۋلات يسابەكوۆ سويلە­گەن سوزىندە ادەبيەتتانۋشى عالىم تۋرالى ەستەلىكتەرىمەن ءبولىستى. اسىرەسە، ءال-فارابي اتىنداعى قازۇۋ (ول زاماندا كيروۆ اتىندا­عى مەملەكەتتىك ۋنيۆەرسيتەت) ءبىلىم الىپ جۇرگەن كەزدەگى ۇستازدىق ەت­كەن كۇندەردى ەسكە الدى.

«بەيسەكەڭ ءبىزدىڭ كازگۋ-دە وقىپ جۇرگەندە ساباق بەردى. مەن سول ءۇشىن ءوزىمدى باقىتتى سەزىنەمىن. قايراتتى، شاشى كىرپىكشەشەننىڭ تىكەنەگىندەي، ديىرمەننىڭ تاسىن قويساڭ جاتپايتىن شاش بولاتىن... باتىل-باتىل پىكىرلەرىن ايتىپ كەلىپ، سەندەر وسىعان قالاي قاراي­سىڭدار، – دەگەندە، ءبارىمىز قولداۋ­شى ەدىك. تۇرىپ-تۇرىپ، ءاي وسى سەندەر وتىرىك قولدايسىڭدار عوي دەيم. نەگە مەنىڭ ايتقانىمنىڭ ءبارىن قولداي بەرەسىڭدەر، – دەپ تاڭ­قالاتىن. شىندىقتى ايتپايسىڭ­دار عوي سەندەر...»، – دەپ ەستەلىك­تەرىمەن ءبولىستى.

ال كەنجەحان سليامجان ۇلى ما­تىجانوۆ بولسا، «ءبىز بەيسەكەڭنىڭ ءدارىسىن تىڭدامادىق. ءبىراق ءبىزدىڭ ۇرپاق بەيسەكەڭنىڭ ەڭبەكتەرى مەن كىتاپتارىمەنەن اۋىزدانعان ۇر­پاق»، – دەپ اتاپ ءوتتى. عالىمنىڭ XX عاسىردىڭ باسىنداعى قازاق ادەبيەتى ماسەلەلەرىن كونسەپتۋال­دى دەڭگەيدە زەرتتەگەنىن ايرىقشا ايتتى.

سالتاناتتى شارادا بەيسەمباي كەنجەبايۇلىنا ارنالعان ەكى كىتاپ­تىڭ تۇساۋى كەسىلدى.