الماتىدا كولىك ءنومىرىن جاسىرعان جۇرگىزۋشى سوتتالدى.
الماتىدا بەينەباقىلاۋ كامەرالارىنان ايلاسىن اسىرماق بولعان 27 جاستاعى Toyota Mark II كولىگىنىڭ جۇرگىزۋشىسى ۇستالىپ، سوت شەشىمىمەن اكىمشىلىك جازاعا تارتىلدى، دەپ حابارلايدى aqshamnews.kz Polisia.kz-كە سىلتەمە جاساپ.
ءسۇيىنباي داڭعىلىندا پاترۋلدىك پوليسيا قىزمەتكەرلەرى كۇدىك تۋدىرعان كولىكتى توقتاتىپ، تەكسەرۋ بارىسىندا ونىڭ الدىڭعى ءنومىرىن جاسىرىن مەحانيكالىق قۇرىلعى ارقىلى اۋدارىپ وتىراتىنىن انىقتادى.
— قالانىڭ بەينەباقىلاۋ جۇيەسى ارقىلى بۇل كولىككە نازار اۋداردىق. جۇرگىزۋشى ارنايى ءپۋلتتىڭ كومەگىمەن مەملەكەتتىك ءنومىردى اۋدارىپ، جول قوزعالىسى ەرەجەلەرىن ورەسكەل بۇزعان. بۇل ارەكەت وزگە جول قوزعالىسىنا قاتىسۋشىلار ءۇشىن قاساقانا ءقاۋىپ ءتوندىردى. زاڭسىزدىقتى انىقتاعان ءتارتىپ ساقشىلارى كولىك يەسىن ۇستادى، – دەدى الماتى قالالىق پد جەرگىلىكتى پوليسيا قىزمەتى باسقارماسى باسشىسىنىڭ ورىنباسارى تيمۋر نوعايبايەۆ.
سوت شەشىمىمەن قۇقىقبۇزۋشى ق ر اقبك-نىڭ 590-بابى 4-بولىگى بويىنشا اكىمشىلىك جاۋاپكەرشىلىككە تارتىلدى. ناتيجەسىندە ول 3 تاۋلىككە قاماۋعا الىنىپ، 1 جىلعا كولىك جۇرگىزۋ قۇقىعىنان ايىرىلدى. الماتى قالالىق پوليسيا دەپارتامەنتى ازاماتتاردى جول قوزعالىسى ەرەجەلەرىن قاتاڭ ساقتاۋعا شاقىرادى جانە زاڭسىز ارەكەتتەردەن بوي تارتۋعا كەڭەس بەرەدى.