الماتى قالاسىندا جىل باسىنان بەرى قىلمىس دەڭگەيى 10-15%-عا تومەندەدى، دەپ حابارلايدى aqshamnews.kz
قالالىق پوليسيا دەپارتامەنتىنىڭ مالىمەتىنشە، قۇقىق بۇزۋشىلىقتاردىڭ باسىم بولىگى قالانىڭ ءارتۇرلى جەرلەرىنە ورناتىلعان 150 مىڭعا جۋىق بەينەباقىلاۋ كامەرالارىنىڭ ارقاسىندا اشىلدى. بۇل زاماناۋي تەحنولوگيالار وقيعالارعا جەدەل ارەكەت ەتۋگە جانە قۇقىق بۇزۋشىلىقتاردىڭ الدىن الۋعا مۇمكىندىك بەرۋدە.
كۇن سايىن پوليسيا قىزمەتكەرلەرى قوعامدىق ءتارتىپتى ساقتاۋ جانە ازاماتتاردىڭ قاۋىپسىزدىگىن قامتاماسىز ەتۋ ءۇشىن كوشەلەردە قىزمەت اتقارادى. قىلمىستاردى اشۋ، پروفيلاكتيكالىق رەيدتەر وتكىزۋ، ءتۇسىندىرۋ جۇمىستارىن جۇرگىزۋ جانە قوعامدىق ورىندار مەن جولدارداعى ءتارتىپتى باقىلاۋ تۇراقتى تۇردە جۇزەگە اسىرىلۋدا.
الماتى قالاسى پوليسيا دەپارتامەنتىنىڭ جەرگىلىكتى پوليسيا قىزمەتى باسقارماسىنىڭ باستىعى سەرىك شۋمايەۆ بىلاي دەدى: "جىل باسىنان بەرى پاترۋلدىك پوليسيا قىزمەتكەرلەرى 2000-نان استام قىلمىستىق قۇقىق بۇزۋشىلىقتى اشۋعا قاتىستى. الداعى تاۋەلسىزدىك كۇنى مەن جاڭا جىل مەرەكەلەرى قارساڭىندا پاترۋلدىك پوليسيا گارنيزونى مەن پوليسيا دەپارتامەنتى كۇشەيتىلگەن جۇمىس رەجيمىنە كوشەدى."
الماتى قالاسىنىڭ پوليسيا دەپارتامەنتى زاماناۋي تەحنولوگيالاردى ەنگىزۋدى جانە ازاماتتاردىڭ قاۋىپسىزدىگىن قامتاماسىز ەتۋ ءۇشىن پروفيلاكتيكالىق شارالاردى جالعاستىرۋدا. قالا تۇرعىندارىنىڭ قاۋىپسىزدىگى – باستى نازاردا.