رەسپۋبليكالىق دوستىق ءۇيىنىڭ عيماراتىندا قازاقستان رەسپۋبليكاسىنىڭ ساۋدا جانە ينتەگراسيا ءبىرىنشى ۆيسە-مينيسترى ارمان اباي ۇلى شاكقالييەۆتىڭ توراعالىعىمەن الماتى قالاسى اكىمىنىڭ ورىنباسارى الىشەر ەليس ۇلى ابدىقادىروۆپەن بىرلەسىپ، بازارلاردى جاڭعىرتۋ ماسەلەلەرى بويىنشا بازار يەلەرىمەن جۇمىس كەزدەسۋى ءوتتى، دەپ حابارلايدى Almaty-akshamy.kz.
اتالعان كەڭەستىڭ جۇمىسىنا اۋماقتىق مەملەكەتتىك ورگانداردىڭ، جەرگىلىكتى اتقارۋشى ورگانداردىڭ باسشىلارى، سونىمەن قاتار الماتى قالاسى بازارلارىنىڭ يەلەرى قاتىستى.
جۇمىس كەزدەسۋى بارىسىندا بازارلاردى جاڭعىرتۋ، بانكتەردىڭ پايىزدىق مولشەرلەمەسىن سۋبسيديالاۋ، بازارلاردى جاڭعىرتۋ مەرزىمدەرى، بازارلار اۋماعىنا ىرگەلەس جاتقان تۇراق ورىندارىنىڭ بولماۋى بويىنشا پروبلەمالىق ماسەلەلەر تالقىلاندى.
قازىرگى ۋاقىتتا الماتى قالاسىنداعى 44 بازاردىڭ 15ء-ى جاڭعىرتۋعا جاتادى.
ارمان اباي ۇلى بازار يەلەرى تاراپىنان ايتىلعان بارلىق سۇراقتار مەن ۇسىنىستاردى تىڭداپ، تۋىنداعان ماسەلەلەردى جەدەل شەشۋ ءۇشىن وسىنداي كەزدەسۋلەردىڭ ماڭىزدىلىعىن اتاپ ءوتتى.
«وزدەرىڭىز بىلەتىندەي، "ساۋدا قىزمەتىن رەتتەۋ تۋرالى" زاڭدا استانا، الماتى جانە شىمكەنت قالالارى ءۇشىن 2023 جىلعى 1 قاڭتارعا دەيىن، وبلىستار ءۇشىن 2025 جىلعى 1 قاڭتارعا دەيىن مەرزىمدەر بەلگىلەنگەن. جاڭعىرتۋ جۇمىستارى 2015 جىلدان باستاپ جۇرگىزىلۋدە، الايدا جاڭعىرتۋ جۇمىستارى كەشىكتىرىلدى. بازارلاردى جاڭعىرتۋدى ودان ءارى ىسكە اسىرۋ جانە ۋاقتىلى اياقتاۋ ماقساتىندا مينيسترلىك ساۋدا بازارلارىن جاڭعىرتۋ جونىندەگى جول كارتاسىنىڭ جوباسىن ازىرلەدى. جاقىن ارادا اكىمدىكتەرگە جولداناتىن بولادى، سونىڭ نەگىزىندە اكىمدىكتەر جوبالىق-سمەتالىق قۇجاتتامانى ازىرلەۋدەن باستاپ جۇمىستاردى اياقتاۋعا دەيىنگى جاڭعىرتۋ بارىسىن تولىق سيپاتتاي وتىرىپ، ءاربىر نارىق بويىنشا وڭىرلىك دەڭگەيدە ەگجەي-تەگجەيلى كارتالار ازىرلنەتىن بولادى. بۇل كارتالار بويىنشا ۇكىمەت تاراپىنان تۇراقتى مونيتورينگ جۇرگىزىلەتىنىن» - دەپ اتاپ ءوتتى قازاقستان رەسپۋبليكاسىنىڭ ساۋدا جانە ينتەگراسيا ءبىرىنشى ۆيسە-مينيسترى ارمان اباي ۇلى شاققالييەۆ .
كەڭەس قورىتىندىسى بويىنشا قالا بازارلارىن جاڭعىرتۋعا قاتىستى بارلىق ايتىلعان پروبلەمالىق سۇراقتارعا تولىق جاۋاپتار بەرىلىپ، ودان ءارى جۇمىس ىستەۋ ءۇشىن باقىلاۋعا الىندى.