بۇل تۋرالى المالى اۋدانىنىڭ تۇرعىندارىمەن كەزدەسۋ بارىسىندا الماتى اكىمى ەربولات دوسايەۆ مالىمدەدى.
«جامبىل كوشەسى، 170ا مەكەنجايىندا جاڭا، زاماناۋي وقۋشىلار ءۇيى سالىندى. 1951 جىلى سالىنعان ەسكى عيماراتتىڭ ورنىنا. وقۋشىلاردىڭ جاڭا ءۇيى كۇن سايىن 400 بالاعا دەيىن 2،5 ەسە كوپ ءبىلىم بەرۋگە مۇمكىندىك بەرەدى. ورتالىقتا قاۋىپسىزدىكتىڭ، قولجەتىمدىلىكتىڭ جانە جاراقتاندىرۋدىڭ بارلىق ستاندارتتارىن ەسكەرە وتىرىپ، قولايلى جاعدايلار جاسالاتىن بولادى. روبوتوتەحنيكا، ءىت، حورەوگرافيا، سۋرەت سالۋ، ويىن الاڭدارى، امفيتەاتر جانە باسسەين ستۋديالارى اشىلادى. اشىلۋ 2025 جىلدىڭ ناۋرىز ايىنا جوسپارلانعان»، - دەدى الماتى اكىمى.
سونىمەن قاتار، ەربولات دوسايەۆتىڭ تاپسىرماسى بويىنشا ماۋلەنوۆ كوشەسىندەگى جەكە مەنشىك بالاباقشا عيماراتى مەملەكەتتىك مەنشىككە قايتارىلدى. عيمارات سەيسميكالىق كۇشەيتۋمەن جوندەلىپ، ونىڭ بازاسىندا 100 ورىندىق جاڭا بالاباقشا اشىلادى. جۇمىستار وسى جىلدىڭ ماۋسىم ايىندا باستالىپ، اشىلۋى 2026 جىلدىڭ سوڭىنا جوسپارلانعان.
ەسكى، توزىعى جەتكەن عيماراتتىڭ ورنىنا تاستاق ش/ا-دا تاعى 240 ورىندىق جاڭا بالاباقشا سالىنادى.