وپەراسيا پاسيەنتكە تولىققاندى ءومىردى جالعاستىرۋعا مۇمكىندىك بەردى
الماتىلىق دارىگەرلەر پاسيەنتتى باس سۇيەگى-مي جاراقاتىنىڭ سيرەك اسقىنۋىنان قۇتقاردى، دەپ حابارلايدى Almaty-akshamy.kz.
الماتى قالاسىنىڭ 43 جاستاعى تۇرعىنى بۇرىن توبەلەستىڭ سالدارىنان باسىنان اۋىر جاراقات العان. اۋرۋحانادان شىققاننان كەيىن وندا جاعىمسىز بەلگىلەر بايقالا باستادى. سول جاق كوزىنىڭ كورۋى ناشارلادى، پاسيەنت سول جاق كوز الماسىنىڭ شىعىپ، قىزارعانىن بايقاي باستادى، ال سول جاق قۇلاقعىندا تۇراقتى پۋلساسيالىق شۋ پايدا بولدى. ەر ادامنىڭ بەتىنە قاراۋ قورقىنىشتى بولدى. جوعارىدا سيپاتتالعان بەلگىلەرگە پاراوربيتالدىق ءىسىنۋ جانە سول جاق كوز الماسىنىڭ ۇياسىنان ايقىن شىعۋى قوسىلدى.
اۋىرسىنۋ ءتوزىمسىز بولعاندىقتان پاسيەنت قالالىق جەدەل جاردەم اۋرۋحاناسىنا (قججا) باردى، وندا ميدىڭ مرت/مرا-دا سول جاقتا كاروتيد-كاۆەرنوزدى سوۋستى (ككس) انىقتادى.
ككس-بۇل جۇرە پايدا بولعان ينتراكرانيالدىق تامىرلى انوماليا. جاراقاتتان كەيىنگى ككس - بۇل باس سۇيەك-مي جاراقاتتارىنان (بمج) پايدا بولاتىن سيرەك كەزدەسەتىن اۋرۋ.
ككس كورۋ قابىلەتىنىڭ ايىراتىن جانە تۇراقتى باس اۋرۋلارىنا اكەلەتىن اۋرۋ. ەگەر جۇرە پايدا بولعان تامىرلى انوماليا (ككس) وپەراسيا ارقىلى ەمدەلمەسە، 90 پايىزىندا بۇل مۇگەدەكتىككە اكەلەدى، كورۋ اعزاسىنىڭ فۋنكسياسىنان تولىق ايىرىلۋعا اكەلۋى مۇمكىن.
قازىرگى ۋاقىتتا ككس ءۇشىن ەڭ ءتيىمدى جانە ءقاۋىپسىز ەمدەۋ ەندوۆاسكۋليارلىق ەمدەۋ بولىپ تابىلادى. ارتەريالىق قابىرعانى ميكرو سپيرالداردىڭ كومەگىمەن قالپىنا كەلتىرۋ ءادىسى ءجيى قولدانىلادى.
وسىلايشا، پاسيەنتكە قججا نەيروحيرۋرگيالىق بولىمشەسى جاعدايىندا وپەراسيا جاسالدى: كاروتيد-كاۆەرنوزدى سوۋستى باللوندىق اسسيستەنسيانى قولدانا وتىرىپ، سول جاقتا ميكروسپيرالدارمەن رەكونسترۋكتيۆتى ەمبوليزاسيالاۋ.
ەكى ساعاتتىق وپەراسيانى نەيروحيرۋرگتەر ە.جۋكوۆ، م. ارعىمبايەۆ، انەستەزيولوگ ر. قاسەنوۆ، وپەراسيالىق مەيىرگەر ە. ايۋپوۆادان تۇراتىن دارىگەرلەر توبى جۇرگىزدى.
"ەمدەۋدە كوز اۋرۋلارى عزي وفتالمولوگى ي. راسۋلوۆ ماڭىزدى ءرول اتقاردى. بىرلەسكەن كۇش-جىگەردىڭ ارقاسىندا پاسيەنتتىڭ كوزىن ساقتاپ، اۋىرسىنۋدى جويۋعا مۇمكىندىك تۋدى. وپەراسيادان كەيىن پاسيەنتتىڭ كورۋ جانە وكۋلوموتورلىق فۋنكسيالارى ءىشىنارا قالپىنا كەلدى، قاس پەن قۇلاق ايماعىنداعى شۋ، ەكزوفتالم، ياعني كوزى قالپىنا كەلدى، ەڭ باستىسى، توزگىسىز اۋىرسىنۋ باسىلدى. وپەراسيا پاسيەنتكە تولىققاندى ءومىردى جالعاستىرۋعا مۇمكىندىك بەردى"، - دەپ اتاپ ءوتتى قججا نەيروحيرۋرگ ماكسيم ارعىمبايەۆ.