قازىرگى ۋاقىتتا 13460 الماتىلىق جۇمىسسىز رەتىندە تىركەلگەن.
قالالىق جۇمىسپەن قامتۋ ورتالىعى تۇراقتى تۇردە بوس جۇمىس ورىندارى جارمەڭكەسىن وتكىزىپ تۇرادى. جىل باسىنان بەرى 28 بوس جۇمىس ورىندارى جارمەڭكەسى وتكىزىلىپ، وعان 8 مىڭنان استام ادام قاتىسقان، ونىڭ ىشىندە 1000-عا جۋىق ادام جۇمىسقا ورنالاستىرىلدى.
الماتى تۇرعىندارىن جۇمىسپەن قامتۋ ماقساتىندا «جاستار تاجىريبەسى»، «ءبىرىنشى جۇمىس ورنى»، «كۇمىس جاس» جوباسى جۇزەگە اسىرىلىپ جاتىر.
«جاستار تاجىريبەسى 29 جاستان اسقان ءبىلىم بەرۋ ۇيىمدارىنىڭ تۇلەكتەرى اراسىنان العان ماماندىعى بويىنشا جۇمىس ءوتىلى 12 ايدان اسپايتىن جۇمىسسىزدارعا ارنالعان. ەڭبەكاقىنى جۇمىسپەن قامتۋ ورتالىعى تولەيدى. بۇل 122 520 تەڭگە. 2022 جىلى 1000 ادامدى قامتۋ كوزدەلگەن»، - دەدى الماتى قالالىق جۇمىسپەن قامتۋ ورتالىعىنىڭ ديرەكتورى.
ايتا كەتەيىك، جاستار تاجىريبەسىنىڭ ەرەكشەلىكتەرىنىڭ ءبىرى - قاتىسۋشىنىڭ جالاقىسىن اي سايىن مەملەكەت تولەپ وتىرادى. ال بيىل جوباعا قاتىسۋشىلاردىڭ جالاقىسى ءوستى. 2021 جىلى جالاقى 35 اەك (102 095 تەڭگە) بولسا، وسى جىلى 40 اەك (122 520 تەڭگە) جەتتى. جالاقىنى جۇمىسپەن قامتۋ ورتالىعى اي سايىن تۇراقتى تۇردە تولەپ وتىرادى. زەينەتاقىسى مەن ساقتاندىرۋى قوسا جۇرەدى. ەگەر جۇمىس بەرۋشى بولەك ەڭبەكاقى تولەيمىن دەسە، وعان دا رۇقسات ەتىلگەن.
باعدارلاماعا قاتىسقىسى كەلگەن ازامات جۇمىسپەن قامتۋ ورتالىعىنا بارىپ تىركەلىپ، ءوتىنىش بەرۋى كەرەك. ورتالىق ماماندارى قاتىسۋدىڭ شارتتارىن، قانداي جۇمىس ورىندارى بارىن، باعدارلاما ەرەجەلەرىن تۇسىندىرەدى. باعدارلاما ارقىلى مەملەكەتتىك قىزمەتتەن باستاپ جەكەمەنشىك كومپانيالار مەن زاۋىتتارعا دەيىن جۇمىسقا ورنالاسۋعا بولادى. سونداي-اق قاتىسۋشى قاي مەكەمەدە تاعىلىمدامادان وتكىسى كەلەتىنىن ايتىپ، ءوتىنىش بىلدىرە الادى. باعدارلاما بۇكىل قازاقستاندى قامتيدى.
الماتى قالاسى جۇمىسپەن قامتۋ ورتالىعىنىڭ مالىمەتىنشە، وڭىردە 2021 جىلى جاستار پراكتيكاسىنا 1 491 ادام جىبەرىلىپ، ونىڭ 537ء-سى جۇمىسقا قابىلدانعان. ال 2022 جىلى قازىرگى كەزەڭ بويىنشا جاستار پراكتيكاسىمەن 279 جۇمىس ىستەپ ءجۇر.
سونىمەن قاتار «مەنىڭ العاشقى جۇمىس ورنىم» جوباسى دا ەڭبەك تاجىريبەسى جوق جاستار ءۇشىن جاسالعان ۇلكەن مۇمكىندىك بولىپ وتىر.
«قازىرگى ۋاقىتتا وقۋ ورىندارىن بىتىرگەن تۇلەكتەر ءۇشىن جاستار تاجىريبەسى ايتارلىقتاي قولداۋ بولىپ تۇر. ولاردى ەڭبەك ءوتىلى بولماعاندىقتان جۇمىسقا المايدى. سوندىقتان 29 جاسقا دەيىنگى جاستارعا، ونىڭ ىشىندە ەڭبەك ءوتىلى جوق NEET ساناتىنداعى جاستارعا 18 ايدان اسپايتىن مەرزىمگە ۋاقىتشا جۇمىس ورىندارىن قۇرۋدى كوزدەيتىن «مەنىڭ العاشقى جۇمىس ورنىم» جوباسى ىسكە قوسىلدى. مۇندا دا ەڭبەكاقى جۇمىسپەن قامتۋ ورتالىعى ارقىلى تولەنەدى. 30 اەك نەمەسە 91 980 تەڭگە»،- دەيدى الماتى قالالىق جۇمىسپەن قامتۋ ورتالىعىنىڭ ديرەكتورى.
ال قالامىزدا اشىلعان «ۇرپاقتار ۇندەستىگى» جوباسى 2 جىل ىشىندە وقۋىن اياقتاعان، جاسى 29-دان اسپاعان ءبىلىم بەرۋ ۇيىمدارىنىڭ تۇلەكتەرىنە 6 ايدان اسپايتىن مەرزىمگە ۋاقىتشا جۇمىس ورىندارىن اشادى.
«الماتىلىقتاردىڭ اعا بۋىنىنا كەلەتىن بولساق، ولار ءۇشىن «كۇمىس ءداۋىر» جوباسى بار. ول زەينەتكەرلىك جاستاعى جۇمىسسىزدار ءۇشىن 12 ايدان اسپايتىن مەرزىمگە ۋاقىتشا جۇمىس ورىندارىن قۇرۋدى كوزدەيدى. جالاقىنىڭ ءبىر بولىگىن جۇمىسپەن قامتۋ ورتالىعى وتەيدى (ەڭبەكاقىدان 50%، ءبىراق 30 اەك-تەن اسپايدى). 2022 جىلى 633 ادامدى جۇمىسپەن قامتۋ جوسپارلانۋدا، قازىرگى ۋاقىتتا جۇمىس بەرۋشىلەر ءتىزىمى جاسالۋدا»،- دەدى ديليارا يمانقۇلوۆا.
بۇگىنگى كۇنى 13460 الماتىلىق تۇرعىن جۇمىسسىز رەتىندە تىركەلگەن.
ال قالاداعى جۇمىسسىزداردىڭ جۇمىسقا ورنالاسۋدا قالاي كومەك الا الاتىنى، ولارعا باسەكەگە قابىلەتتى تۇيىندەمە جاساۋعا جانە لايىقتى بوس جۇمىس ورنىن تابۋعا قايدا كومەك كورسەتىلەتىنى تۋرالى الماتى قالالىق جۇمىسپەن قامتۋ ورتالىعىنىڭ ديرەكتورى ساعىندىق كەنجەبايەۆ باياندادى.
ونىڭ ايتۋىنشا، بيىلعى جىلى25 221 ادام جۇمىسقا ورنالاسقان.
سپيكەردىڭ ايتۋىنشا، بۇگىنگى كۇنى جۇمىس بەرۋشىلەر ەلەكتروندى ەڭبەك بيرجاسىنا 4306-دان استام بوس جۇمىس ورىندارىن ورنالاستىرعان. اعىمداعى جىلدىڭ باسىنان بەرى 25 221 ادام جۇمىسقا ورنالاسسا، ونىڭ 13 343ء-ى تۇراقتى، 11 878ء-ى ۋاقىتشا جۇمىسقا ورنالاستىرىلدى.
«ازاماتتار مەن جۇمىس بەرۋشىلەرگە ىڭعايلى بولۋ ءۇشىن 2018 جىلدان باستاپ قىزمەتتەردى ەلەكتروندى فورماتقا كوشىرۋدى جۇزەگە اسىرۋ باستالدى. بۇگىنگى كۇنى بارلىق قىزمەتتەر ونلاين تۇردە كورسەتىلەدى، بۇل ءوتىنىش بەرۋشىنى جۇمىسسىز رەتىندە تىركەۋ جانە جۇمىسقا ورنالاسۋعا جاردەمدەسۋدىڭ بەلسەندى شارالارىنا جولداما الۋ، جۇمىس بەرۋشى ءۇشىن بۇل بوس جۇمىس ورىندارىن جاريالاۋ، كادرلاردى ىرىكتەۋ، بەلسەندى شارالارعا قاتىسۋعا ءوتىنىش بەرۋ، ءار ءتۇرلى قۇجاتتاردى ۇسىنۋ. جۇمىسپەن قامتۋ تۋرالى ەسەپ بەرۋ»، – دەيدى س.كەنجەبايەۆ.
جۇمىسپەن قامتۋ ورتالىعىنىڭ ديرەكتورىنىڭ ايتۋىنشا، اعىمداعى جىلدىڭ 3 قازانىنان باستاپ 2023 جىلعا ارنالعان سۋبسيديالاناتىن جۇمىس ورىندارىنا قاتىسقىسى كەلەتىن جۇمىس بەرۋشىلەردىڭ وتىنىشتەرىن قابىلداۋ باستالعان. سونداي-اق سپيكەر ازاماتتاردىڭ جەكەلەگەن ساناتتارىن كۆوتا بويىنشا جۇمىس ورىندارىنا (كۆوتا بويىنشا مۇگەدەكتەر – 2171، تۇراقتى جۇمىس ورىندارىنا – 223، پروباسيا قىزمەتى مەن باس بوستاندىعىنان ايىرۋ ورىندارىندا ەسەپتە تۇرعاندار – 23، جەتىم بالالار – 2، ايەلدەر – 12815 ، جاستار – 8768، اليمەنت بويىنشا بەرەشەگى بار ازاماتتار – 15) جۇمىسقا ورنالاستىرۋعا ەرەكشە كوڭىل بولىنەتىنىن ايتتى.
«جۇمىس ىزدەۋشىلەردى تارتۋ ماقساتىندا جۇمىسپەن قامتۋ ورتالىعىنىڭ قىزمەتكەرلەرى جاستار رەسۋرستىق ورتالىقتارىمەن بىرلەسىپ ستيحيالىق «ەڭبەك بيرجالارىندا»، بازارلاردا، حالىق كوپ جينالاتىن ورىنداردا، جۇمىسپەن قامتۋعا جاردەمدەسۋدىڭ شارالارى بويىنشا ءتۇسىندىرۋ جۇمىستارىن جۇرگىزدى. اتاپ ايتقاندا، «التىن وردا» امبەباپ بازارى اۋدانىنداعى «بارلىق»، «باراحولكا»، «سارى ارقا»، شولوحوۆ كوشەسى بويىنداعى «الماتى 1» سياقتى بازارلار قامتىلدى»، – دەدى س.كەنجەبايەۆ.
كەزدەسۋلەر بارىسىندا جۇمىس ىزدەۋشىلەرگە كاسىپتىك باعدار بەرۋ جۇمىستارى جۇرگىزىلەدى، بوس تۇرعان جۇمىس ورىندارى ۇسىنىلدى، كاسىپكەرلىكتى دامىتۋدىڭ ۇلتتىق جوباسىنا قاتىسۋ مۇمكىندىكتەرى بويىنشا تۇسىندىرمەلەر بەرىلەدى، جۇمىسقا ورنالاسۋعا جانە مەملەكەتتىك قىزمەتتەردى الۋعا كومەك كورسەتۋ ماسەلەلەرى بويىنشا كونسۋلتاسيالىق قىزمەتتەر كورسەتىلەدى.