الماتىدا ب ا ق وكىلدەرى اراسىندا بيلياردتان تۋرنير ءوتىپ جاتىر

جارىسقا 50-گە جۋىق اقپارات قۇرالدارىنىڭ وكىلدەرى قاتىستى

ناۋرىز مەرەكەسىنە وراي ەلىمىزدىڭ بۇقارالىق اقپارات قۇرالدارى مەن زيالى قاۋىم وكىلدەرىنىڭ اراسىندا بيلياردتان «جاڭا ەلدىڭ كوكتەمى» اتتى رەسپۋبليكالىق ءتۋرنيردى «31 ارنا» وتكىزدى، دەپ حابارلايدى Almaty-akshamy.kz Almaty.tv cىلتەمە جاساپ.

جارىسقا بەلگىلى قالامگەرلەر ۇلىقبەك ەسداۋلەت، باقىت بەدەلحان، باۋىرجان جاقىپ پەن الىبەك شەگەباي جانە قازاق جۋرناليستيكاسىنىڭ ارداگەرلەرى تىلەۋقابىل مىڭجاسار، قاينار ولجاي، ارمان سقابىل ۇلى، سەرىك جانبولات باستاعان 50-گە جۋىق اقپارات قۇرالدارىنىڭ وكىلدەرى قاتىستى.

«بيلياردتان «31 ارنا» كۋبوگى جۋرناليستەر اراسىندا جىل سايىن وتەتىن ءداستۇرلى شاراعا اينالادى. بيىل العاشقى ءتۋرنيرىمىزدى «جاڭا ەلدىڭ كوكتەمى» اتاۋىمەن ۇيىمداستىرىپ وتىرمىز. بۇل اتاۋ مەملەكەت باسشىسى قاسىم-جومارت توقايەۆتىڭ «جاڭا قازاقستان: جاڭارۋ مەن جاڭعىرۋ جولى» جولداۋىمەن ساباقتاسىپ تۇر. ءقازىر حالقىمىز ۇلت بوپ ۇيىسىپ، مەملەكەتتىگىمىزدى نىعايتۋدىڭ جاڭا بەلەسىنە قادام باستى. وسىلايشا، ەل تاريحىنىڭ جاڭا پاراعى اشىلدى. «31 ارنا» ۇجىمى جاڭارۋ مەن جاسامپازدىقتىڭ باستاۋىن  «جاڭا ەلدىڭ كوكتەمى» ارقىلى جەتكىزىپ،  مەملەكەتىمىزدىڭ تۇبەگەيلى تۇرلەنۋىن قولدايدى»، - دەيدى «31 ارنا» ديرەكتورى قۇرمانبەك جۇماعالي.