وڭالتۋ پروسەسى ويىن تۇرىندە وتەدى.
الماتىدا بالالاردى وڭالتۋ يننوۆاسيالىق ءادىسى ىسكە قوسىلدى، دەپ حابارلايدى Almaty-akshamy.kz Almaty.tv-گە سىلتەمە جاساپ.
ونى ەلىمىزدە العاش بولىپ قالاداعى №2 قالالىق بالالار اۋرۋحاناسى قولدانىستا سىناپ كوردى. قۇرىلعى تىرەك-قيمىل اپپاراتىن قالپىنا كەلتىرۋگە سەپتەسەدى. رەابيليتاسياعا ارنالعان قۇرىلعىدا سەرەبرالدى سال اۋرۋى، باس-مي جاراقاتى، ينسۋلت، اۋتيزم جانە باسقا نەيرودەگەنەراتيۆتى اۋرۋلارى بار بالالار جاتتىعا الادى. ەڭ باستىسى، وڭالتۋ پروسەسى ويىن تۇرىندە وتەدى. دارىگەرلەر كۋرستان سوڭ بالالاردا وڭ ناتيجە بولعانىن ايتادى.
«بۇرىن ناۋقاستار وڭالتۋ كەزىندە جاتتىعۋدى ينسترۋكتوردىڭ كومەگىمەن جاسايتىن. ول بارلىعىنىڭ باسى قاسىندا بولىپ ءتۇسىندىرىپ، ءوزى جۇرەتىن ەدى. بۇل جەردە رەابيليتاسيادان ءوتۋ كەزىندە ناۋقاس بارلىق دەڭگەيدى ءوتۋى كەرەك. ول بارلىق تاپسىرمالاردى ءوزى ورىنداۋى قاجەت. ءار بالاعا جەكە باعدارلاما ازىرلەنەدى»، – دەدى №2 قالالىق بالالار كلينيكالىق اۋرۋحاناسى باس دارىگەرى ورىنباسارىنىڭ مىندەتىن اتقارۋشى اسەل تولەندييەۆا.