وتانعا، ءوز حالقىنا دەگەن سۇيىسپەنشىلىك
الماتىداعى مەملەكەتتىك ورتالىق مۋزەيدە «شىعارماشىلىق الاڭ» اتتى بالالار سۋرەت كورمەسى اشىلدى، دەپ حابارلايدى Almaty-akshamy.kz.
كورمەگە الماتى قالاسىنىڭ 100-دەن استام بالالار شىعارماشىلىعىن دامىتۋ جانە بەينەلەۋ ونەر ورتالىقتارىنىڭ وقۋشىلارى قاتىسىپ، بەينەلەۋ جانە ساندىك-قولدانبالى ونەر جانرداعى ءارتۇرلى جۇمىستارىن ۇسىندى.
بالالاردىڭ كورمەگە قاتىسۋى ولارعا ەلىمىزدىڭ تاريحى، ونەرى مەن مادەنيەتىمەن تانىسۋعا، تۋعان جەرىنىڭ ۇلتتىق قۇندىلىقتارى، داستۇرلەرى مەن سۇلۋلىعى تۋرالى تۇسىنىكتەرىن كەڭەيتۋگە مۇمكىندىك بەرەدى، بۇل وتانعا، ءوز حالقىنا دەگەن سۇيىسپەنشىلىكتى وياتادى. سوندىقتان جاس سۋرەتشىلەر ءوز جۇمىستارىندا قورشاعان الەمگە، ەلدىڭ وتكەنى، بۇگىنى جانە بولاشاعى تۋرالى ءوز كوزقاراستارىن بىلدىرۋگە تىرىستى. بالالار قازاقستاننىڭ تاريحى، مادەنيەتى، تابيعاتىمەن بايلانىستى ءتۇرلى اسپەكتىلەر مەن سيۋجەتتەردى بەينەلەيدى.
كورمەگە الماتى قالاسىنىڭ «دا ۆينچي»، «By ArT»، «ارتميكس»، «ءبىلىم ستۋدياسى»، «كلاسس»، «داريا» بالالار شىعارماشىلىق دامۋ ورتالىقتارىنىڭ وقۋشىلارى قاتىستى، سونداي-اق كونسەرتتىك باعدارلامانى بەلسەندى قاتىسۋشىلارى، مۋزەيدىڭ سەرىكتەستەرى - «سەم چۋدەس سۆەتا» بالالار تەاترى، «اي-كەربەز» بي توبى مەن «فيەستا» بي ءانسامبلى قولدادى.
«شىعارماشىلىق الاڭ» كورمەسىن ق ر موم ديرەكتورىنىڭ ورىنباسارى سەرجان ساروۆ، شىعارماشىلىق مەكتەپتەردىڭ جەتەكشىلەرى ەلەنا يساكوۆا جانە اننا چەرنىشيەۆا اشتى.
«شىعارماشىلىق الاڭ» اتتى كورمەسىندە بالالاردىڭ 100-دەن استام تۋىندىلارى قويىلعان.
كورمە 12 ساۋىرگە دەيىن جالعاسادى.