ايتقانعا كونبەگەن بالالاردى تاماق، سۋ بەرمەي جازالاعان، كەي جاعدايدا قول جۇمساپ، كۇش قولدانىلعان.
الماتى قالالىق پوليسيا دەپارتامەنتى بالالار پانسيوناتىنىڭ اتىن جامىلىپ جۇمىس ىستەيتىن قايىرىمدىلىق مەكەمەلەرىن كامەلەتكە تولماعاندى وز-وزىنە قول جۇمساۋعا يتەرمەلەدى جانە باسقا دا قىلمىستاردى جاسادى دەگەن كۇدىكپەن قىلمىستىق ءىستى تەرگەپ جاتىر، دەپ حابارلايدى Almaty-akshamy.kz.
"بۇل پانسيوناتتاردا تۇراتىن كامەلەتكە تولماعاندار جۇيەلى تۇردە ءدىني جورالعىلار مەن ۇجىمدىق دۇعالارعا تارتىلعان. بۇعان كونبەگەن بالالاردى تاماق، سۋ بەرمەي جازالاعان، كەي جاعدايدا قول جۇمساپ، كۇش قولدانىلعان. پانسيوناتتاردا جۇرگىزىلگەن تىنتۋلەر شەتەلدىك ءدىني ادەبيەتتەر مەن وقۋ ماتەريالدارىنىڭ، ونىڭ ىشىندە قازاقستاندا ەكسترەميستىك دەپ تانىلعان جانە تاراتۋعا تىيىم سالىنعان ماتەريالداردىڭ بار ەكەنىن راستادى"، - دەلىنگەن حابارلامادا.
قازىرگى ۋاقىتتا سوتقا دەيىنگى تەرگەۋ جالعاسۋدا. تەرگەۋ مۇددەسىنە ساي باسقا مالىمەتتەر جاريا ەتىلمەيدى.