بالالارداعى تۋبەركۋلەزدىڭ الدىن الۋدىڭ ماڭىزدى ادىستەرىنىڭ ءبىرى جاڭا تۋعان نارەستەلەردى بسج ۆاكسيناسىن ەگۋ بولىپ تابىلادى. بۇل تۋرالى الماتى قالاسى فتيزيوپۋلمونولوگيا ورتالىعىنىڭ ديرەكتورى جانار ساپييەۆا وكق بريفينگىندە اتاپ ءوتتى، دەپ حابارلايدى اlmaty-akshamy.kz.
"جىل قورىتىندىسى بويىنشا بسج ۆاكسيناسياسىمەن جاڭا تۋعان بالالاردىڭ 88،3% قامتىلدى. الايدا بالالاردىڭ 11،7% - ى ۆاكسيناسيالانباعان، ونىڭ 3،8% - ى جەكە سەنىمى بويىنشا ەگۋدەن باس تارتقان، ال 7،8% - مەديسين مەديسينالىق قارسى كورسەتىلىمدەرى بولعان"، - دەپ حابارلادى جانار ساپييەۆا.
ەمحانالار دەڭگەيىندە بالالاردى ۆاكسيناسيالاۋ جۇمىستارى جالعاسۋدا. 2023 جىلى ەمحانالاردا 920 بالا ۆاكسيناسيالاندى، بۇل ۆاكسيناسيالانباعان بالالاردىڭ جالپى سانىنىڭ 3،8% قۇرايدى.
ماماننىڭ ايتۋىنشا، بۇكىل الەمدە تۋبەركۋلەز ينفەكسياسىنىڭ جاسىرىن ءتۇرىن ەمدەۋ جۇرگىزىلۋدە. الايدا، كوپتەگەن اتا-انالار بالالارداعى جاسىرىن تۋبەركۋلەز ينفەكسياسىن پروفيلاكتيكالىق ەمدەۋدەن باس تارتادى. بۇل اسىرەسە تۋبەركۋلەزبەن اۋىراتىن جانە اۋرۋدىڭ بەلسەندى ءتۇرىنىڭ دامۋ ءقاۋپى جوعارى بالالارعا قاتىستى.
پروفيلاكتيكالىق ەمدەۋ تۋبەركۋلەزدىڭ كەڭ تارالعان جانە اۋىر تۇرلەرىنىڭ دامۋ ءقاۋپىن ازايتادى. دۇنيەجۇزىلىك دەنساۋلىق ساقتاۋ ۇيىمى تۋبەركۋلەزدى پروفيلاكتيكالىق ەمدەۋ اۋقىمىن ەڭ ءقاۋىپتى پوپۋلياسيالار اراسىندا، سونىڭ ىشىندە كۇندەلىكتى ومىردە تۋبەركۋلەزبەن اۋىراتىن ادامدارمەن، ايتۆ-ينفەكسياسىمەن ءومىر سۇرەتىن ادامدارمەن جانە يممۋنيتەتى تومەندەگەن باسقا ادامدار اراسىندا ارتتىرۋدى ۇسىنادى.