جول جابىنى جاعدايىن زەرتتەۋ قورىتىندىلارىنا سايكەس ورتاشا جوندەۋ جوسپارىنا بايزاقوۆ كوشەسى ەنگىزىلگەن بولاتىن.
29 تامىز ساع.23:00-دەن 30 تامىز 06:00-گە دەيىن جول جابىنىنا ورتاشا جوندەۋ جۇمىستارىنىڭ جۇرگىزىلۋىنە بايلانىستى بايزاقوۆ كوشەسىنىڭ تيميريازيەۆ كوشەسىنەن ساتبايەۆ كوشەسىنە دەيىنگى بولىگىندە كولىك قوزعالىسى تولىعىمەن جابىلادى، دەپ حابارلايدى Almaty-akshamy.kz.
جابىق ۋچاسكەنى اۋەزوۆ، ساتبايەۆ بايتۇرسىنوۆ جانە تيميريازيەۆ كوشەلەرى ارقىلى ارقىلى اينالىپ وتۋگە بولادى.
جول-كولىك وقيعالارىن بولدىرماۋ جانە جول قوزعالىسىن ۇيىمداستىرۋ ءۇشىن جوعارىدا اتالعان كوشە ۋچاسكەسىندە پاترۋلدىك پوليسيا پولكىنىڭ 2 ەكيپاجى جۇمىلدىرىلاتىن بولادى.
جول جوندەۋ جۇمىستارى جايلى سوڭعى جاڭالىقتار قالا اكىمدىگى مەن قالالىق موبيلدىلىك باسقارماسىنىڭ رەسمي پاراقشالارىندا، الماتى جول تەلەگرام ارناسىندا (https://t.me/AlmatyJoly)، سونىمەن قاتار، 2گيس جانە ياندەكس كارتا قوسىمشالارىندا قولجەتىمدى.
جول جوندەۋ جۇمىستارى 2023 جىلعا جوسپارلانعان جۇمىستار اياسىندا جۇرگىزىلىپ وتىر. ۋاقىتشا قولايسىزدىقتار ءۇشىن كەشىرىم وتىنەمىز.
بۇل قالا جولدارى ۇزاعىراق پايدالانۋعا قاجەتتى شارا. مارشرۋتتى الدىن الا جوسپارلاپ الىڭىزدار.
