الماتىدا «بايشەشەك» اتتى جاڭا تۋىندى جارىق كوردى

21 جاستاعى ءجاميلا باقتيار قىزى اۋىر سىرقاتتان قالاي ايىققانىن جازىپتى

الماتىدا جاس قالامگەر ءجاميليا باقتيار قىزىنىڭ «بايشەشەك» اتتى جاڭا تۋىندىسى جارىق كوردى، دەپ حابارلايدى Almaty-akshamy.kz Almaty.tv-گە سىلتەمە جاساپ.

اتالعان شارادا اۆتور ءوز شىعارمالارىنان ءۇزىندى وقىپ، كوپشىلىكتى تەرەڭ ويعا جەتەلەدى. 21 جاستاعى ءجاميلا باقتيار قىزى اۋىر سىرقاتتان قالاي ايىققانىن جازىپتى. كەشكە ونەردە جۇرگەن اعايىندى كۇيشى-كومپوزيتور عالامات پەن ءنۇرالي بەيسەقوجالار قاتىسىپ، ءىس-شارانىڭ كوركىن قىزدىردى. كىتاپتىڭ تۇساۋكەسەرى وسىعان دەيىن نۇر-سۇلتان، تۇركىستان، تالدىقورعان جانە شىمكەنت قالالارىندا ءوتىپتى.

«ەندىگى ماقساتىمىز باتىس قازاقستانعا، باتىس ەلىنە بارىپ اتىراۋ، ماڭعىستاۋ جاقتىڭ قازاقتارى جىر دەسە ىشكەن اسىن جەرگە قوياتىن حالىق قوي. قۇرمانعازىنىڭ جەرى، دينا اپامىزدىڭ جەرى، سول ەلگە بارىپ، ونەرسۇيەر قاۋىمعا وسى كىتاپتى پاش ەتىپ، تانىستىرامىز. ەگەر ءساتى ءتۇسىپ جاتسا ءنۇرالي مەن عالامات باۋىرىمىزدى ەرتىپ بارعىمىز كەلەدى. ولاردىڭ دا قانشاما ەڭبەكتەرى، كۇيلەرى بار»، – دەدى اكەسى باقتيار ونەربايەۆ.