بۇگىنگى كۇنى ەلىمىزدە ينتەرنەت پەن بايلانىستىڭ ساپاسى سىن كوتەرمەيتىنى تۋرالى ايتىلىپ ءجۇر. بۇل جاعداي مەدەۋ اۋدانى تۇرعىندارىندا بەي-جاي قالدىرمادى. الماتى اكىمى ەربولات دوسايەۆتىڭ مەدەۋ اۋدانى تۇرعىندارىمەن وتكەن كەزدەسۋىندە ماسەلەنىڭ قالاي شەشىمىن تابۋى مۇمكىن ەكەندىگى تۋرالى سۇراق قويىلدى،-دەپ حابارلايدى اlmaty-akshamy.kz
«مەن مەدەۋ اۋدانى الاتاۋ ىقشاماۋدانىندا تۇرامىن، ۇيدەگى ينتەرنەتتە ۇلكەن پروبلەمالار بار. شاعىن اۋدان كەڭەيىپ جاتىر، ءبىراق تۇراقتى ينتەرنەت قاشان بەرىلەدى؟»،-دەپ سۇرادى تۇرعىن.
الماتى قالالىق سيفرلاندىرۋ باسقارماسىنىڭ باسشىسى بايان قوڭىربايەۆتىڭ مالىمەتى بويىنشا مەدەۋ اۋدانىندا ءموبيلدى ينتەرنەت جۇمىس ىستەيدى. ءبىراق راديوفوبيا ماسەلەسى بار، جاقىندا ستانسيا ورنالاسقان جەردەن جويىلعان. تۇراقتى تالشىقتى-وپتيكالىق بايلانىس جەلىسىنە قاتىستى بۇل ماسەلەنى جىل سوڭىنا دەيىن جابۋدى جوسپارلانعان. نۇكتەدە كەم دەگەندە ەكى وپەراتور پايدا بولماق.
«بەكىتىلگەن ينتەرنەت تۋرالى الاڭداۋدىڭ قاجەتى جوق، جەلىلەر جىل سوڭىنا دەيىن تارتىلادى. جاڭا جوبانى قولعا الىپ جاتىرمىز، قالادا جەكە دىڭگەك قۇرىلىمدارىن ورناتۋدى جوسپارلاپ وتىرمىز.
كەلەسى اپتادا قالانىڭ بارلىق ۇيالى بايلانىس وپەراتورلارىمەن كەزدەسۋ وتەدى. ۇسىنىس جاسالدى، تەحنيكالىق جاعىنان دايىنبىز. كەلىسسەك، ءبىرىنشى بايلانىسى ناشار ايماقتاردا جۇمىس جۇرگىزۋ قولعا الىناتىن بولادى»،-دەدى الماتى قالاسىنىڭ اكىمى ەربولات دوسايەۆ.