الماتى اكىمدىگى ءۇي جانىنداعى ازىق-تۇلىك دۇكەندەرىنىڭ الەۋمەتتىك ماڭىزى بار ازىق-تۇلىك تاۋارلارىنا باعانى نەگىزسىز كوتەرۋىنە مونيتورينگ جۇرگىزە باستايدى
الماتى اكىمى باقىتجان ساعىنتايەۆ مەملەكەت باسشىسىنىڭ زارداپ شەككەن بيزنەستى قالپىنا كەلتىرۋ جانە قالانى ودان ءارى دامىتۋ تۋرالى تاپسىرمالارىن ورىنداۋ بويىنشا قالا اكتيۆىنە ءتيىستى مالىمدەمە جاسادى، دەپ حابارلايدى Almaty-akshamy.kz
«وكىنىشكە وراي، ءۇيدىڭ جانىنداعى دۇكەندەردىڭ باعانى نەگىزسىز كوتەرۋ فاكتىلەرى بار، بۇل تۋرالى اقپارات كەلىپ تۇسەدى. مۇنداي كەزەڭدە الىپساتارلىقپەن اينالىسۋ وتە ورىنسىز دەپ سانايمىن. وسىعان بايلانىستى ءوزىمنىڭ ورىنباسارىم م.س. قيقىموۆقا، كاسىپكەرلىك باسقارماسىنا، اۋدان اكىمدەرىنە 15%-دان اسپايتىن ساۋدا ۇستەمەسىن ساقتاۋ بويىنشا قۇقىق بۇزۋشىلاردى انىقتاپ، ولاردىڭ دەرەكتەرىن شارالار قابىلداۋ ءۇشىن قۇزىرەتتى ورگاندارعا جىبەرۋدى تاپسىرامىن. جوسىقسىز كاسىپكەرلەرگە قاتىستى قاتاڭ شارالار قابىلداپ، كۇن سايىن وسى مونيتورينگتى جۇرگىزۋ قاجەت»، - دەپ حابارلادى باقىتجان ساعىنتايەۆ.
قازىرگى ۋاقىتتا الماتى قالاسىندا 3،5 مىڭعا جۋىق دۇكەن جۇمىس ىستەيدى. وتكەن اپتادان باستاپ «الماتى» اكك» اق ءامات-تى ءۇي جانىنداعى دۇكەندەرگە تىكەلەي جەتكىزۋ بويىنشا جۇمىستى باستادى. وندىرۋشىلەردەن تىكەلەي 67 توننا ءونىم (نان، جۇمىرتقا، باكالەيا، كۇرىش، قانت جانە كۇنباعىس مايىن قوسا العاندا) جەتكىزىلدى. كوتەرمە جەتكىزىلىمگە تاپسىرىستار جەدەل جەلى تەلەفونى بويىنشا قابىلدانادى: +7 707 787 95 35.
سونىمەن قاتار، قازىرگى ۋاقىتتا الماتى يندۋستريالىق ايماعىنىڭ اۋماعىندا وندىرۋشىلەر مەن بولشەك ساۋدا اراسىنداعى بايلانىستاردى قىسقارتۋ ءۇشىن قاجەتتى ينفراقۇرىلىم قۇرۋعا مۇمكىندىك بەرەتىن تاراتۋ ورتالىعىنىڭ قۇرىلىسىن جوبالاۋ جۇرگىزىلۋدە. اعىمداعى جىلى جسق ازىرلەۋدى اياقتاۋ جانە تاراتۋ ورتالىعىنىڭ قۇرىلىس-مونتاجداۋ جۇمىستارىن باستاۋ جوسپارلانۋدا.
الەۋمەتتىك ماڭىزى بار ازىق-تۇلىك تاۋارلارىنىڭ باعاسىن تۇراقتاندىرۋ شەڭبەرىندە الماتى قالاسىنىڭ كاسىپكەرلىك جانە ينۆەستيسيالار باسقارماسى ساۋدا جەلىلەرىنە «اينالىم» جەڭىلدىكتى قارىزدارىن ءبولۋ بويىنشا جۇمىس جۇرگىزۋدە. بولىنگەن قاراجات ەسەبىنەن «ماگنۋم» جەلىسىندە ءامات-تىڭ بارلىق 19 اتاۋى تومەندەتىلگەن باعامەن جانە «تويمارت» جەلىسىندە 12 ءامات (ۇن، نان، روجكي، كۇرىش، تاۋىق ەتى، ايران، سۇزبە، سارى ماي، تۇز، كۇنباعىس مايى، كارتوپ، پياز) ساتىلۋدا. ورتاشا العاندا، ەكى جەلىدە كوكونىستەردىڭ (كارتوپ، ءسابىز، پياز، قىرىققابات) باعاسى نارىقتىق باعادان 30-50%-عا تومەن، ەت ونىمدەرى (سيىر ەتى، تاۋىق ەتى، جۇمىرتقا) 10-15%-عا، ازىق-تۇلىك 10-30%-عا تومەن.
«الماتىنان» جشس-مەن ناننىڭ بوساتۋ باعاسىن 85 تگ/بولكە دەڭگەيىندە بەلگىلەۋ، 1،8 مىڭ توننا كۇنباعىس مايىن 585 تگ/شولمەككە جانە 700 توننا قاراقۇمىق جارماسىن 500 تگ/كگ («ستاندارت پروداكتس» ج ش س) قالانىڭ ساۋدا جەلىلەرىنە جەتكىزۋ بويىنشا مەموراندۋمدار جاسالدى.
7 ازىق-تۇلىك بازارىندا (كوك بازار، «اقبۇلاق» (كوتەرمە ساۋدا)، «سارى-ارقا»، «تاستاق»، «تاۋسامالى»، «الماتى-1»، «تۇركسىب» جارمەڭكەسى) كوكونىس جانە باكالەيا ونىمدەرى بازار باعاسىنان 1،5-2 ەسە تومەن باعامەن ساتىلادى. «ەت دۇكەندەرى» 5 بازاردا ىسكە قوسىلدى («جۇلدىز»، «وربيتا»، «تاۋسامالى»، «ارىستان» جانە «تاستاق»)، وندا سيىر ەتى 2050 تگ/كگ (نارىقتىق باعادان 20% تومەن) ساتىلادى. پاۆلودار (بارلىعى 6،5 مىڭ توننا كارتوپ پەن ءسابىز)، الماتى (250 توننا قىرىققابات) جانە جامبىل وبلىستارىنان (1،5 مىڭ توننا پياز) كوكونىستەردى تىكەلەي جەتكىزۋ ۇيىمداستىرىلدى.