الماتى دۇكەندەرى مەن بازارلارىنداعى الەۋمەتتىك ماڭىزى بار ازىق-تۇلىك تاۋارلارىنىڭ ۇستەمە باعاسىن كوتەرگەندەرگە تەكسەرۋ جۇرگىزىلەدى
ازىق-تۇلىك بازارلارى مەن ءۇي جانىنداعى دۇكەندەرگە الەۋمەتتىك ماڭىزى بار ازىق-تۇلىك تاۋارلارىنا (بۇدان ءارى – ءامات) قويۋعا رۇقسات ەتىلگەن 15% ساۋدالىق ۇستەمە باعانى ساقتاۋلارىنا قاتىستى تەكسەرۋ جۇرگىزىلەدى، دەپ حابارلايدى Almaty-akshamy.kz.
كوميسسيا قۇرامىنا الماتى پروكۋراتۋراسىنىڭ كەلىسىمى بويىنشا اۋدان اكىمدىكتەرىنىڭ، كاسىپكەرلىك جانە ينۆەستيسيالار باسقارماسىنىڭ، ساۋدا، مەملەكەتتىك كىرىستەر، سانيتارلىق-ەپيدەميولوگيالىق باقىلاۋ دەپارتامەنتتەرىنىڭ، باسەكەلەستىكتى قورعاۋ جانە دامىتۋ اگەنتتىگىنىڭ، توتەنشە جاعدايلار باسقارماسىنىڭ وكىلدەرى كىرەدى. رەيدتىك ءىس-شارالار 26 امبەباپ بازارلاردى جانە الماتىداعى «ءۇي جانىنداعى» 3 600 دۇكەندەردى قامتيدى.
تەكسەرۋ بارىسىندا كاسىپكەرلەرگە الەۋمەتتىك ماڭىزى بار ازىق-تۇلىك تاۋارلارىن ساتىپ الۋ باعاسىنان ولارعا قويىلاتىن 15%-دان استام باعانى كوتەرگەنى جانە رۇقسات ەتىلگەن شەكتى بولشەك ساۋدا باعالارىن (ولاردىڭ بەلگىلەنگەن باعاسىنا قاراي) كوتەرگەنى ءۇشىن جاۋاپكەرشىلىككە تارتىلاتىنى تۋرالى حابارلاما جىبەرىلەدى. بۇزۋشىلىقتار انىقتالعان جاعدايدا، ق ر «اكىمشىلىك قۇقىق بۇزۋشىلىقتار تۋرالى» كودەكسىنىڭ 204-4 بابىنا سايكەس، شارالار قابىلداناتىن بولادى. ماسەلەن، ساۋدالىق ۇستەمە باعانى كوتەرگەنى ءۇشىن كاسىپكەرگە ءبىرىنشى جولى ەسكەرتۋ بەرىلەدى، بۇزۋشىلىق قايتالانعان جاعدايدا، 10 اەك-تەن 300 اەك دەيىنگى (30 630 تەڭگەدەن 918 900 تەڭگەگە دەيىن) مولشەردە ايىپپۇل سالىنادى. بەلگىلەنگەن شەكتى باعانى ءبىرىنشى رەت كوتەرگەنى ءۇشىن 100 اەك (306 300 تەڭگە)، بۇزۋشىلىق قايتالانعان جاعدايدا، 200 اەك مولشەرىندە (612 600 تەڭگە) ايىپپۇل سالىنادى.
قولدانىستاعى ساۋدا زاڭناماسىن ساقتاۋ ماقساتىندا كاسىپكەرلەرگە بالامالى نۇسقا – ق ر ءىرى ديستريبيۋتورلارى مەن وندىرۋشىلەرىنەن تىكەلەي كوتەرمە باعا بويىنشا باكالەيا ونىمدەرىنىڭ تىكەلەي جەتكىزىلىمى ۇسىنىلاتىن بولادى. اتالعان شارا الماتىدا جىل باسىنان بەرى قولدانىلۋدا: بۇگىندە 1 مىڭنان استام «ءۇي جانىنداعى» دۇكەندەر قامتىلدى، الەۋمەتتىك ماڭىزى بار ازىق-تۇلىك تاۋارلارىنىڭ 8 اتاۋى بويىنشا شامامەن 1،5 مىڭ توننا ءونىم (جۇمىرتقا، قانت، كۇرىش، ۇن، كۇنباعىس مايى، قاراقۇمىق، ماكارون، تۇز) جەتكىزىلدى.
الماتى قالاسىندا 2022 جىلعى 31 مامىرعا دەيىن ۇسىنىلعان باعالار:
- ءبىرىنشى سۇرىپتى بيداي ۇنى - 230 تگ.
- ءبىرىنشى سۇرىپتى (فورمالى) بيداي ۇنىنان پىسىرىلگەن نان - 100 تگ.
- روجكي (تارازى) - 230 تگ.
- قاراقۇمىق جارماسى (وزەگى، سالماعى) - 450 تگ.
- تەگىستەلگەن كۇرىش (دوڭگەلەك ءداندى، سالماعى) - 280 تگ.
- كارتوپ - 200 تگ.
- اسحانالىق ءسابىز - 220 تگ.
- باس پياز - 130 تگ.
- اق قىرىققابات - 250 تگ.
- اق قانت (قۇمشەكەر) - 460 تگ.
- كۇنباعىس مايى - 840 تگ.
- سيىر ەتى (سۇيەگى بار ءجاۋىرىن-توس بولىگى) - 2350 تگ.
- تاۋىق ەتى (سۇيەگى بار جۇمساق ەتى) - 1150 تگ.
- ءسۇت (مايلىلىعى جۇمساق قاپتامادا 2،5%) - 330 تگ.
- ايران (مايلىلىعى جۇمساق قاپتامادا 2،5%) – 385 تگ.
- سارى ماي (تۇزدالماعان، مايلىلىعى كەمىندە 72،5%، تولتىرعىشتار مەن وسىمدىك مايلارىنسىز) – 3350 تگ.
- تاۋىق جۇمىرتقاسى (I سانات) - 460 تگ.
- اس تۇزى ("ەكسترادان" باسقا) - 65 تگ.
- سۇزبە (مايلىلىعى 5-9%) - 1950 تگ.