الماتىدا جىل سوڭىنا دەيىن ازىق-تۇلىكتىڭ باعاسى تۇراقتى بولادى. بۇل تۋرالى قالا اكىمى ەربولات دوسايەۆ «الماتى قالاسىنىڭ الەۋمەتتىك-ەكونوميكالىق دامۋى تۋرالى» بريفينگتە مالىمدەدى، - Almaty-akshamy.kz.
«بۇل اكىمدىكتىڭ نازارىنداعى ماڭىزدى دۇنيە. بيىلعى 5 ايدىڭ ىشىندە الەۋمەتتىك ماڭىزى بار ازىق-تۇلىكتەردىڭ باعاسى 4،8%-عا ءوستى. ءبىراق باعانى تۇراقتاندىرۋ ءۇشىن جەرگىلىكتى بيۋدجەتتەن 15 ميلليارد تەڭگە بولدىك. مەنىڭ ويىمشا، ازىق-تۇلىك باعاسى وسى جىلدىڭ سوڭىنا دەيىن ازداپ بولسا دا تۇراقتى بولادى. وسى جىلى الماتىدا 10-10،5% ينفلياسيا كۇتىلىپ وتىر»، - دەدى ەربولات دوسايەۆ ءجۋرناليستىڭ سۇراعىنا جاۋاپ بەرىپ.