الماتىدا ءقازىر سيىر ەتىنىڭ كەلىسى 2347 تەڭگە، تاۋىق ەتى - 1219 تەڭگە
الماتى قالالىق كاسىپكەرلىك جانە ينۆەستيسيالار باسقارماسى الەۋمەتتىك ماڭىزى بار ازىق-تۇلىك تاۋارلارىنىڭ باعاسى تۋرالى مالىمەتتەردى ۇسىندى، دەپ حابارلايدى Almaty-akshamy.kz.
الماتى قالاسى بويىنشا ستاتيستيكا دەپارتامەنتىنىڭ مالىمەتىنشە، 2 تامىزداعى جاعداي بويىنشا قالادا الەۋمەتتىك ماڭىزى بار ازىق-تۇلىك تاۋارلارىنىڭ (ءامات) ورتاشا باعاسى: 1 كەلى ۇن – 258 تەڭگە، 1 بولكە نان – 95 تەڭگە، كەسپە - 245 تەڭگە.
«باعانى تۇراقتاندىرۋ ازىق-تۇلىك كورپوراسياسىنىڭ قورلارىنان استىق جەتكىزۋ ارقىلى قامتاماسىز ەتىلەدى. اۋىل شارۋاشىلىعى مينيسترلىگىنىڭ مالىمەتىنشە، قازاقستاندا كۇزگى استىق مول بولادى دەپ كۇتىلۋدە»، - دەپ حابارلادى كاسىپكەرلىك باسقارماسىنان.
الماتىدا ءقازىر سيىر ەتىنىڭ كەلىسى 2347 تەڭگە، تاۋىق ەتى - 1219 تەڭگە، پياز - 195 تەڭگە، ءسابىز - 211 تەڭگە، كارتوپ -181 تەڭگە، قىرىققابات- 92 تەڭگەدەن ساتىلۋدا.
«مەگاپوليسكە كوكونىستەر الماتى، جامبىل جانە تۇركىستان وبلىستارىنان جەتكىزىلەدى. كوكونىستەردى ماۋسىمارالىق كەزەڭدە ساتۋ بويىنشا فورۆاردتىق ساتىپ الۋ شارتى جاسالدى، جىل سوڭىنا دەيىن شامامەن 74 مىڭ توننا جەتكىزۋ تۋرالى كەلىسىم بار»، - دەپ تولىقتىردى باسقارمادان.
تامىز ايىنىڭ باسىندا ءسۇتتىڭ ءليترى – 328 تەڭگەدەن، ايران – 379 تەڭگەدەن، سارى ماي – 3397 تەڭگەدەن، سۇزبە – 1940 تەڭگەدەن، كۇرىش – 292 تەڭگەدەن، قاراقۇمىق – 516 تەڭگەدەن، كۇنباعىس مايىنىڭ ءبىر ءليترى – 879 تەڭگە، 10 دانا جۇمىرتقا – 460 تەڭگە بولسا، تۇزدىڭ باعاسى - 66 تەڭگە. ونىمەن قاتار، كاسىپكەرلىك جانە ينۆەستيسيالار باسقارماسى توساپ جاساۋ ماۋسىمىنىڭ باستالۋىنا بايلانىستى قالادا قانتقا دەگەن سۇرانىس ەكى ەسەگە - تاۋلىگىنە 120 توننادان 250 تونناعا دەيىن وسكەنىن اتاپ ءوتتى.
قانتتىڭ 40%-دان استامىن الماتى (قاسكەلەڭ، تالعار، وتەگەن باتىر، كەگەن نارىنقول) جانە جەتىسۋ (تالدىقورعان، جاركەنت، سارقاند، ءۇشارال) وبلىستارىنىڭ تۇرعىندارى ساتىپ الادى.
«حالىقتىڭ سۇرانىسىن ورىنداۋ ماقساتىندا ساۋدا جەلىلەرى، ءۇي جانىنداعى دۇكەندەر مەن قالالىق بازار سورەلەرىندەگى قانت كولەمى 180 تونناعا دەيىن ۇلعايتىلدى»، - دەپ اتاپ ءوتتى اكىمدىكتەگىلەر.
ايتا كەتەيىك، دەمالىس كۇندەرى وتەتىن جارمەڭكەلەردە قولجەتىمدى باعاداقانت ساتىپ الۋعا بولادى.
«الماتىدا الەۋمەتتىك ماڭىزى بار ازىق-تۇلىكتەر باعاسىنىڭ نەگىزسىز وسۋىنە جول بەرمەۋ بويىنشا كۇندەلىكتى مونيتورينگ جۇرگىزىلەدى. ماسەلەن، تۇرعىنداردىڭ ارىز-شاعىمدارى نەگىزىندە ءۇي جانىنداعى 12 دۇكەنگە قانتتىڭ نەگىزسىز قىمباتتاۋىنا تەكسەرۋ جۇرگىزىلۋدە»،- دەپ حابارلادى كاسىپكەرلىك جانە ينۆەستيسيالار باسقارماسىنان.