الماتىدا 14 ناۋرىزدان باستاپ № 126 باعىتتا «قايىربەكوۆ/جىبەك جولى – ديسپەچەرلىك پۋنكت» بويىگشا جۇرەتىن اۆتوبۋستار جاڭارتىلىپ، جىلجىمالى بىرلىكتەر سانى ارتتى.
ماسەلەن، جۇيەلىلىكتى قامتاماسىز ەتۋ جانە جوسپارلانعان ينتەرۆالدى 20 مينۋتتان 6 مينۋتقا دەيىن قىسقارتۋ ماقساتىندا قالالىق موبيلدىلىك باسقارماسى 8 اۆتوبۋستىڭ ورنىنا 25 اۆتوبۋس شىعارۋ تۋرالى شەشىم قابىلدادى، دەپ حابارلايدى Almaty-akshamy.kz.
Golden Dragon ماركالى 12 مەترلىك جاڭا اۆتوبۋستار زاماناۋي قۇرىلعىلارمەن جابدىقتالعان، ونىڭ ىشىندە كونديسيونەر، بەينەباقىلاۋ جۇيەلەرى جانە تەلەفونداردى زاريادتاۋعا ارنالعان USB قوسقىشتا بار. سونىمەن قاتار، سالون الداعى جانە كەلەسى ايالدامالاردى كورسەتەتىن اقپاراتتىق ديسپلەيمەن جابدىقتالعان.
بۇل رەتتە بوساتىلعان اۆتوبۋستار باسقا باعىتتاردى كۇشەيتۋگە جانە «الماتىەلەكتروترانس» اۆتوپاركىنىڭ رەزەرۆتىك قۇرامىنا جىبەرىلەدى.
ەسكە سالساق، وتكەن جىلى مەگاپوليس باسشىسى ەربولات دوسايەۆتىڭ تاپسىرماسى بويىنشا اكىمدىك 600 اۆتوبۋس پەن 100 تروللەيبۋس ساتىپ الىپ، 22 جاڭا باعىتتى، ونىڭ ىشىندە 10 قالا ماڭىنداعى باعىتتى ۇيىمداستىرىپ، 50-گە جۋىق ەلدى مەكەندى كولىكپەن قامتىعان ەدى. بيىل تاعى 600 اۆتوبۋس، 100 تروللەيبۋس جانە 100 ەلەكترواۆتوبۋس ساتىپ الۋ جوسپارلانۋدا.