اۆتوبۋس باعدارشامنىڭ قىزىل تۇسىنە ءوتىپ كەتكەن
ابىلاي حان داڭعىلى مەن تولە بي كوشەسىنىڭ قيىلىسىندا تروللەيبۋس پەن اۆتوبۋس سوقتىعىستى، دەپ حابارلايدى Almaty-akshamy.kz Zakon.kz-كە سىلتەمە جاساپ.
تروللەيبۋس ابىلاي حان داڭعىلىنىڭ بويىمەن وڭتۇستىككە قاراي جىلجىپ كەلە جاتتى. اۆتوبۋس تولە بي كوشەسىمەن شىعىس باعىتتا كەلە جاتقان.
كۋاگەردىڭ ايتۋىنشا، اۆتوبۋس باعدارشامنىڭ قىزىل تۇسىنە ءوتىپ كەتىپ، سالدارىنان قاتتى قاقتىعىس ورىن الدى.
سوققىدان اۆتوبۋس جولدىڭ قارسى باعىتىنا اينالىپ، ابىلاي حان داڭعىلىنىڭ جاياۋ جۇرگىنشىلەر جۇرەتىن تروتۋارىنا ءبىر-اق ۇشتى.
جول اپاتى سالدارىنان اۆتوبۋستىڭ جۇرگىزۋشىسى مەن بەس جولاۋشىسى زارداپ شەكتى. بارلىعى قالاداعى ءتۇرلى اۋرۋحانالارعا جاتقىزىلدى.