اۋا-رايىنىڭ كۇرت ناشارلاپ، نوسەر جاۋىنمەن قاتتى جەل سوعۋدىڭ سالادارىنان قالادا 26 اعاشتىڭ قۇلاۋى تىركەلدى. 29 ناۋرىز تاڭعا دەيىن بارلىق ۋچاسكە تازارتىلىپ، قۇلاعان اعاشتار كەسىلىپ، شىعارىلدى.
تۇنگى كەزەڭدە ارىق ارقىلى سۋدىڭ كەدەرگىسىز اعىپ كەتۋى قامتاماسىز ەتىلدى. بارلىق ارىق وتكەلى تازارتىلدى، سۋ باساتىن ورىندارعا 344 بىرلىك ارنايى تەحنيكا مەن 163 جۇمىسشى جۇمىلدىرىلدى. ءقاۋىپتى ۋچاسكەلەردە سۋ باسۋدىڭ الدىن الۋ ماقساتىندا 953 قاپ ينەرتتى ماتەريال پايدالانىلدى.
سونداي-اق، اۋا رايىنىڭ قولايسىزدىعىنا بايلانىستى «اجك» جەلىلەرى تۇنگى كەزەڭدە 25 اجىراتىلدى، ەلەكترمەن جابدىقتاۋ تولىعىمەن قالپىنا كەلتىرىلدى.
«قازترانسگازايماق» اق جەلىسى بويىنشا جارىق 2 رەت ءوشىرىلدى، اعاشتىڭ قۇلاۋىنا بايلانىستى قالپىنا كەلتىرۋ جۇمىستارى جۇرگىزىلىپ جاتىر.
2024 جىلعى 28 ناۋرىزداعى اۋا-رايىنىڭ كۇرت ناشارلاۋى مەن جىلدامدىع 18-24 م/س دەيىن سوققان قاتتى جەلدەن اقساي-4 شاعىن اۋدانىنداعى №132 مەكتەپ شاتىرىنىڭ كەي جەرى ۇشىپ كەتكەن.
- مەكتەپ 1988 جىلى سالىندى، سوڭعى كۇردەلى جوندەۋ 2007 جىلى جۇرگىزىلدى.
- مەردىگەر ۇيىمداردىڭ كۇشىمەن كانيكۋل اياقتالعانعا دەيىن شاتىرعا جوندەۋ جۇرگىزىلەدى.
- بوستاندىق اۋدانىنداعى قۇرىلىس پەن مەنەدجمەنت كوللەدجىنىڭ شاتىرى ازداپ زارداپ شەككەن. ونى عيمارات يەلەرى قالپىنا كەلتىرەدى.
- سيگنالدى جەدەل وڭدەۋ ماقساتىندا قالانىڭ تجد-دا جەدەل جەلى اشىلىپ، «112» وپەراتورلارىنىڭ سانى ارتتى.
- تىرشىلىكتى قامتاماسىز ەتۋ نىساندارى شتاتتىق رەجيمدە جۇمىس ىستەپ تۇر، زارداپ شەككەندەر جوق.
- اۋدان اكىمدىكتەرىندە جۇمىستى باقىلاۋ بويىنشا تاۋلىك بويى كەزەكشىلىك ۇيىمداستىرىلدى.
- «قازگيدرومەت» رمك بولجاۋىنشا، 29 ناۋرىزدا 2 مم-گە دەيىن، 30 ناۋرىزدا 8 مم-گە دەيىن جاڭبىر جاۋادى دەپ بولجانىپ وتىر.
انىقتاما: اعاشتار كولىككە قۇلاعان جاعدايدا، اعاشتىڭ قۇلاۋ فاكتىسىن تىركەۋ جانە وقيعانىڭ سىزباسىن جاساۋ ءۇشىن جول پاترۋلدىك پوليسياسىن شاقىرۋ قاجەت. كەلتىرىلگەن زالالدى وتەۋ ءۇشىن زالالدىڭ قۇنىن باعالاۋ جۇرگىزۋ كەرەك. سونىمەن قاتار، كەلتىرىلگەن زالالدى وتەۋگە جاۋاپتى ادامدى ايقىنداۋ ءۇشىن مەملەكەتتىك ورگاندارعا ءوتىنىش جازۋ ارقىلى سوتقا دەيىنگى نارازىلىق جۇمىستارىن جۇرگىزۋ جانە قاجەت بولسا زالال سوماسىن ءوندىرىپ الۋ تۋرالى تالاپ ارىزبەن سوتقا جۇگىنۋ كەرەك.
