ينفاركت پەن ينسۋلت ءقاۋپى بار ادامدار ءۇشىن ءقاۋىپتى
قازگيدرومەت اۋا رايىنا بايلانىستى الماتىدا ەسكەرتۋ جاريالادى. 26 ماۋسىمدا كۇندىز قالادا قاتتى ىستىق بولادى. تەرمومەتر 36 گرادۋسقا دەيىن كوتەرىلەدى، دەپ حابارلايدى Almaty-akshamy.kz تجد-عا سىلتەمە جاساپ.
«ىستىق اۋا رايى، اسىرەسە جۇرەك-قان تامىرلارى اۋرۋلارى، ارتەريالىق گيپەرتونياسى بار، سونداي-اق ينفاركت پەن ينسۋلت ءقاۋپى بار ادامدار ءۇشىن ءقاۋىپتى. سەرۋەن، شامادان تىس فيزيكالىق بەلسەندىلىكتەن شەكتەلىڭىز. دارىگەردىڭ نۇسقاۋلىعىن ناقتى ورىنداپ، بەرىلگەن دارى-دارمەكتەردى ۋاقتىلى قابىلداۋ قاجەت. ارتەريالىق گيپەرتەنزيامەن اۋىراتىن ادامدار قان قىسىمىن ۇنەمى قاداعالاپ وتىرسىن»، - دەلىنگەن تجد تاراتقان حابارلامادا.
ولار قالا تۇرعىندارى مەن قوناقتارىن كۇن ءوتىپ كەتپەس ءۇشىن سەرۋەندەۋدەن اۋلاق بولۋعا شاقىردى.