الماتىدا اتاكەنت كورمە ورتالىعى ورتەنىپ جاتىر

قازا بولعاندار مەن زارداپ شەككەندەر جوق.

الماتىدا «اتاكەنت» كورمە پاۆيلونى ورتەنىپ جاتىر، دەپ حابارلايدى Almaty-akshamy.kz. 

الماتى قالالىق توتەنشە جاعدايلار دەپارتامەنتىنىڭ مالىمەتىنشە، ءورت ءسوندىرۋ بريگاداسى بوستاندىق اۋدانى، تيميريازيەۆ كوشەسى 42 مەكەنجايى بويىنشا شاقىرتۋعا شىقتى. 

«بوستاندىق اۋدانى، تيميريازيەۆ ك-سى 42  № 9 پاۆيليون اۋماعىنداعى اتاكەنتتە جانۋ انىقتالدى.تارالۋ ءقاۋپى جوق. وقيعا ورنىندا جەدەل شتاب قۇرىلىپ، ءورت ءسوندىرۋدىڭ ەكى ۋچاسكەسى قۇرىلدى، ءورت وقپاندارى ىسكە قوسىلدى، اۆتوسيستەرنالار باتىس جانە شىعىس جاعىنان گيدرانتتارعا ورناتىلدى. الدىن الا اقپارات بويىنشا پاۆيلون بوس.العاشقى ءورت ءسوندىرۋ بولىمشەسى كەلگەن كەزدە №9 پاۆيلون اشىق جالىنمەن جانىپ جاتتى. وزگە عيماراتتارعا تارالۋ ءقاۋپى جوق»، - دەپ حابارلادى قالالىق توتەنشە جاعدايلار دەپارتامەنتىنىڭ باسپا ءسوز قىزمەتى. 

وقيعا ورنىندا جەدەل شتاب جۇمىس ىستەپ جاتىر. ءورت ءسوندىرۋدىڭ ەكى ۋچاسكەسى قۇرىلدى، ءورت وقپاندارى ىسكە قوسىلدى، اۆتوسيستەرنالار باتىس جانە شىعىس جاعىنان گيدرانتتارعا ورناتىلدى. الدىن الا اقپارات بويىنشا پاۆيلون بوس تۇر. قازا بولعاندار مەن زارداپ شەككەندەر جوق. وقيعا ورنىندا 17 بىرلىك تەحنيكا 50 ادام جۇمىس ىستەپ جاتىر.

توتەنشە جاعدايلار دەپارتامەنتىنىڭ سوڭعى دەرەگى بويىنشا، ءورت سوندىرۋشىلەر ساعات 17.23 مينۋتتا ءورتتى تولىعىمەن ءسوندىرىپ ۇلگەردى.