الماتىدا ات سپورتى بويىنشا جارىستار وتكىزىلىپ جاتىر

جارىسقا 9 ەلدىڭ قۇراما كوماندالارى قاتىسىپ جاتىر

ەۋرازيالىق ليگانىڭ كەدەرگىلەردەن ءوتۋ بويىنشا الەم كۋبوگىنىڭ III كەزەڭى 2022 جىلعى 25-29 مامىر ارالىعىندا «سۇڭقار» شاڭعى ترامپليندەرى كەشەنىندە وتۋدە، دەپ حابارلايدى Almaty-akshamy.kz.

ەۋرازيالىق باسەكە ليگاسىنىڭ ءى كەزەڭى تاشكەنت قالاسىندا (وزبەكستان)، II بىشكەك قالاسىندا (قىرعىزستان) بولىپ ءوتتى. IV كەزەڭ تبيليسي قالاسىندا (گرۋزيا)، تەگەران قالاسىندا (يران) وتەدى. 

جارىسقا 9 ەلدىڭ (قازاقستان، وزبەكستان، قىرعىزستان، ءازىربايجان، گرۋزيا، يران، گەرمانيا، پولشا، نيدەرلاندى) قۇراما كوماندالارى جانە باسقا دا جاقىن جانە الىس شەت ەلدەردىڭ سپورتسشىلارى، سونداي-اق حالىقارالىق تورەشىلەر مەن ساراپشىلار قاتىسۋدا. تورەشىلەر قۇرامى مالايزيا، پولشا، يران، وزبەكستان، ليتۆا، تۇركيا، ەستونيا، قازاقستان ماماندارىنان قۇرالعان.

جەڭىمپاز گران-پري كۋبوگىنىڭ يەگەرلەرى اتانعان كوماندالار اراسىندا 2022 جىلدىڭ قازان ايىندا بارسەلونادا وتەتىن ۇلتتار كۋبوگىنىڭ فينالىنا قاتىسۋعا ليسەنزيا ويناتىلادى.

وسىنداي دەڭگەيدەگى ءىس-شارالار ات سپورتىن ىلگەرىلەتۋگە جانە الماتى قالاسى مەن قازاقستان رەسپۋبليكاسىنىڭ تۇرعىندارى اراسىندا تانىمال ەتۋگە سەرپىن بەرەدى.