الماتىدا 33 جاستاعى الاياق كەلىنشەك حالىقتى الداپ، 35 ملن تەڭگەنى قولدى ەتكەن.
الماتى قالالىق پوليسيا دەپارتامەنتى باستىعىنىڭ تەرگەۋ جونىندەگى ورىنباسارى رۋستام ءابدىراحمانوۆ ءمالىم ەتكەندەي، كۇدىكتى جەرگىلىكتى تۇرعىنداردى ارزان ازىق-تۇلىكپەن قامتاماسىز ەتەمىن دەپ الداپ سوققان، دەپ حابارلايدى Almaty-akshamy.kz.
«الماتىلىق 33 جاستاعى ايەلدىڭ ازىق-تۇلىكتى بازاردان تومەن باعامەن جەتكىزەمىن دەگەن جەلەۋمەن ءىرى كولەمدە اقشا العانى انىقتالدى. قازىرگى ۋاقىتتا كەلتىرىلگەن ماتەريالدىق شىعىن 35 ملن تەڭگەدەن اسادى»، - دەپ جازدى رۋستام ءابدىراحمانوۆ ءوزىنىڭ Instagram -داعى پاراقشاسىندا.
قازىرگى تاڭدا ق ر قك 190-بابىنىڭ 3-بولىمىمەن قىلمىستىق ءىس قوزعالدى. 1989 جىلى تۋعان ايەلگە قاتىستى سوت قاماۋعا الۋ تۇرىندەگى بۇلتارتپاۋ شاراسىنا سانكسيا بەردى.
«بۇگىنگى كۇنى كۇدىكتىنىڭ قالا اۋماعىندا وسىعان ۇقساس قىلمىستارعا قاتىسى بار-جوعىن انىقتاۋ ءۇشىن قاجەتتى تەرگەۋ شارالارى جۇرگىزىلۋدە»، - دەپ تولىقتىردى پوليسيا وكىلى.