اقىننىڭ پوەتيكالىق شىعارمالارى شەتەلدىڭ ادەبي انتولوگيالارىنا ەنگەن
2021 جىلعى 25 قازاندا ساعات 14.00 دە قازاقستان رەسپۋبليكاسى ۇلتتىق كىتاپحاناسىنىڭ ن.داۋلەتوۆا زالىندا يۋنەسكو قامقورلىعىنداعى حالىقارالىق مادەنيەتتەردى جاقىنداستىرۋ ورتالىعى جانە قازاقستان رەسپۋبليكاسىنىڭ ۇلتتىق كىتاپحاناسىنىڭ ۇيىمداستىرۋىمەن باقىتجان قاناپيانوۆتىڭ 70 جىلدىعىنا ارنالعان «باقىتجان قاناپيانوۆتىڭ ۆەكزامەترلەرى» اتتى حالىقارالىق دوڭگەلەك ۇستەل وتەدى، دەپ حابارلايدى Almaty-akshamy.kz.
دوڭگەلەك ۇستەلدىڭ ماقساتى – باقىتجان قاناپيانوۆتىڭ شىعارماشىلىق الەمىندەگى ادەبي جانە قوعامدىق-ساياسي يدەيالار مەن قۇندىلىقتاردى ءتۇسىنۋ جانە زەرتتەۋ. بۇل ءتاسىل ءىس-شارانىڭ عىلىمي جانە مادەني-اعارتۋشىلىق كومپونەنتتەرىن اقىننىڭ مەرەيتويىن ۇلتتىق جانە حالىقارالىق دەڭگەيدە سالتاناتتى تۇردە اتاپ وتۋگە مۇمكىندىك بەرەدى.
باقىتجان مۇساحان ۇلى قاناپيانوۆ – اقىن، جازۋشى، كينودراماتۋرگ، قازاقستان، رەسەي، ۋكراينا، اقش، ۇلىبريتانيا جانە مالايزيا باسپالارىندا جارىق كورگەن قىرىقتان استام پوەزيا مەن پروزا كىتاپتارىنىڭ اۆتورى. ونىڭ پوەتيكالىق شىعارمالارى الەمنىڭ كوپتەگەن تىلدەرىنە اۋدارىلىپ، جاقىن جانە الىس شەتەلدەردىڭ ادەبي انتولوگيالارىنا ەنگەن.
دۇنيەجۇزىلىك پوەزيا كۇنىن وتكىزۋ يدەياسىنىڭ اۆتورى. ءبىرقاتار حالىقارالىق ادەبي سىيلىقتاردىڭ، ونىڭ ىشىندە «الاش»، «تارلان» ، بۇكىلالەمدىك اقىندىق بايقاۋدىڭ (نيۋ-يورك، اقش) لاۋرەاتى. قازاقستان رەسپۋبليكاسىنىڭ ەڭبەك سىڭىرگەن قايراتكەرى (2011)، قازاقستان رەسپۋبليكاسىنىڭ ەڭبەك سىڭىرگەن قىزمەتكەرى (1998)، «مادەنيەت جانە ونەر» نوميناسياسى بويىنشا «ەل تۇلعاسى – «يميا رودينى» حالىقتىق داۋىس بەرۋدىڭ جەڭىمپازى (2012)، انتون دەلۆيگ اتىنداعى بۇكىلرەسەيلىك سىيلىقتىڭ لاۋرەاتى. (2013)، قازاق پەن-كلۋبى مۇحتار اۋەزوۆ اتىنداعى سىيلىقتىڭ لاۋرەاتى. (2014)، اباي اتىنداعى ادەبيەت پەن ونەر سالاسىنداعى مەملەكەتتىك سىيلىقتىڭ لاۋرەاتى (2020). قازاق جانە ورىس پەن-كلۋبتارىنىڭ مۇشەسى، قىرىم ادەبيەتى اكادەمياسىنىڭ اكادەميگى (سيمفەروپول ق. قىرىم رەسپۋبليكاسى)، قازاقستان جۋرناليستيكاسىنىڭ اكادەميگى، حالىقارالىق بەيبىتشىلىك جانە كەلىسىم كوميتەتىنىڭ «مادەنيەتكە قوسقان ۇلەسى ءۇشىن» وردەنىنىڭ كاۆالەرى (ماسكەۋ)، ەۋروپالىق ادەبيەتشىلەر كونگرەسىنىڭ باسقارما مۇشەسى (پراگا ق.)، ورتالىق ازيا مەن قازاقستان ءوڭىرىنىڭ وكىلى، «ليتەراتۋرنايا گازەتا» ءباسپاسوزىنىڭ قازاقستانداعى مەنشىكتى ءتىلشىسى (ماسكەۋ ق.).
پوەزيانىڭ سيقىرلى الەمىندە باقىتجان قاناپيانوۆ تاپقان ءسوز قۇدىرەتى وقىرماندارىنا شىنايى ەتيكالىق شامشىراق بولعان جارىق ارال رەتىندە عانا ەمەس، سونىمەن قاتار شىنايى ونەر رەتىندە دە مادەنيەت مەتافورالارى مەن مەتامورفوزدارىنىڭ ايناسى بولىپ تابىلادى. اقىننىڭ ۆەكزامەترلەرىندە وتكەن جانە بولاشاق ومىردە مادەنيەتتىڭ تاعدىرىن اشىلىپ، تاريح پەن كۇندەلىكتى ءومىر ۋاقىتى كەزدەسەدى.
دوڭگەلەك ۇستەلدە باياندامالار مەن حابارلامالار تۇرىندە دە، ەركىن نىساندا دا ءسوز سويلەۋ كوزدەلەدى. دوڭگەلەك ۇستەل بارىسىندا مەرەيتوي يەسىنىڭ ولەڭدەرىن وقۋعا جانە بەلگىلەنگەن تاقىرىپتار بويىنشا عىلىمي پىكىرتالاستارعا كوپ ۋاقىت بولىنەدى.