الماتىدا اقىلى اۆتوتۇراقتاردى ۇيىمداستىرۋ قاعيدالارىنا وزگەرىستەر مەن تولىقتىرۋلار ەنگىزۋ قاراستىرىلىپ جاتىر
اقىلى كوممۋنالدىق تۇراقتاردا بوس ورىندار مەن باسقا دا قاجەتتى اقپاراتتار سانىن كورسەتەتىن ستاسيونارلىق كامەرالار (فوتو، بەينە تىركەۋ جانە تۇراق ۋاقىتىن ەسەپكە الۋ) جانە ەلەكتروندىق قۇرىلعىلاردى ورناتۋ قاراستىرىلادى.
بۇگىنگى تاڭدا الاڭدىق تۇراقتاردا كىرۋ/شىعۋ شلاگباۋم جۇيەسىمەن باقىلانادى. الاڭدىق تيپتەگى اۆتوتۇراقتارداعى كوممۋنالدىق كاسىپورىن كەدەرگىسىز جۇيەنى ۇيىمداستىرۋدى جوسپارلاپ وتىر. مۇنداي جۇيە وتكىزۋ قابىلەتىن ارتتىرۋعا قىزمەت ەتەدى، كىرۋ جانە شىعۋ كەزەكتەرىن بولدىرمايدى، اۆتوموبيلدەردىڭ تۇراق اۋماعىنا كىرۋ ۋاقىتىن قىسقارتادى، سونىمەن بىرگە، جۇيە اۆتوموبيلدەردى اۆتوماتتى رەجيمدە تىركەۋگە مۇمكىندىك بەرەدى جانە تولەمەگەن جاعدايدا ايىپپۇل سالادى. ءارى بۇل ينديكاسيانى جانە بوس ورىنداردى اۆتوماتتى تۇردە ساناۋعا جول اشادى.
بۇعان قوسا، قولما-قول اقشاسىز ەسەپ ايىرىسۋدى ۇستاۋعا جانە ىڭعايلىلىققا جۇمسالاتىن شىعىستار بويىنشا بيۋدجەتتى ۇنەمدەۋ ماقساتىندا تولەم جاساۋ ءۇشىن ەلەكتروندىق تەرمينال دا الىنىپ تاستالادى.
QR كود ارقىلى بىرنەشە سەكۋندتا تولەۋگە بولادى جانە ول كۇندەلىكتى ومىردە قولدانۋعا ىڭعايلى بولۋى ءۇشىن ءموبيلدى قۇرىلعىمەن بىرىكتىرىلگەن.
اۆتوتۇراقتاردى ۇيىمداستىرۋ قاعيدالارىندا كوك ءتۇستى جول تاڭباسىن قولدانۋ جوسپارلانعان. الەمدىك تاجىريبەدە كوك تاڭبالاۋ اقىلى اۆتوتۇراقتاردىڭ شەكارالارىن بەلگىلەۋ ءۇشىن كەڭىنەن قولدانىلادى. تىعىز ترافيكپەن جول بەلگىسى بايقالمايدى دەپ سانالادى، ءبىراق كوك تاڭبانى ءسوزسىز نازار اۋدارادى.
قاۋلىنىڭ بۇل جوباسى قازاقستان رەسپۋبليكاسىنىڭ قولدانىستاعى زاڭناماسىنا جانە نورماتيۆتىك قۇقىقتىق اكتىلەرگە قويىلاتىن تالاپتارعا ساي. بارلىق مۇددەلى ازامات جوبانى تالقىلاۋعا 20.12.2023 جىلعا دەيىن مىنا سىلتەمە بويىنشا قاتىسا الادى: