الماتىلىق تۇرعىن اپاتتى ءۇيدى بۇزۋ تۋرالى تالابىن پلاكاتقا جازىپ، تەرەزەسىنە ءىلىپ قويعان.
قالا اكىمدىگى وسى ماسەلەگە قاتىستى تۇسىنىك بەردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
بۇعان دەيىن الەۋمەتتىك جەلىدە توزىعى جەتكەن ءۇي تۇرعىندارىنىڭ ءبىرى تەرەزەسىنە ءۇيدى بۇزۋدى تالاپ ەتكەن پلاكات ءىلىپ قويعان سۋرەت پايدا بولعان ەدى. سونىمەن قاتار، حابارلامادا قالالىق اكىمدىكتىڭ بۇزۋعا رۇقسات بەرمەيتىنى تۋرالى جازىلعان. الماتى اكىمدىگى جازباعا قاتىستى تۇسىنىك بەردى.
«ءبىزدى تەز ارادا بۇزىڭىزدار» دەگەن بەلگىسى بار ءۇي شيەۆچەنكو كوشەسى، 113 مەكەنجايدا ورنالاسقان جانە الماتى قالاسىنداعى ەسكى ۇيلەر تىزىمىنە كىرەدى. رەنوۆاسيا اياسىندا (المالى اۋدانى اكىمىنىڭ اپپاراتىمەن) اتالعان ۋچاسكەگە الەۋەتتى ينۆەستور – «ۆەك كورپوراسياسى» قۇرىلىس كومپانياسى تارتىلدى.
قازىرگى كەزدە قۇرىلىس سالۋشى مەن تۇرعىندار اراسىندا ساتىپ الۋ شارتتارى بويىنشا كەلىسسوزدەر جۇرگىزىلۋدە.
«قۇرىلىس كومپانياسىنان ۇسىنىلعان قۇجاتتاردىڭ سايكەس كەلمەۋى سالدارىنان قۇرىلىستاردى ءسۇرۋ بويىنشا جۇمىستار كەشەنىن جۇرگىزۋگە شەشىم بەرىلمەيتىن بولدى. ەسكەرتۋلەر جويىلعان جاعدايدا ماسەلە زاڭعا سايكەس قارالاتىن بولادى»، - دەپ حابارلادى اكىمدىكتەن.