الماتىدا 1962 جىلى سالىنعان «جانۇيا» كەشەنىنىڭ اپاتتى جاعدايداعى عيماراتى بۇزىلىپ، جەتىم بالالارعا ارنالعان زاماناۋي عيمارات سالىنادى، دەپ حابارلايدى aqshamnews.kz
«جانۇيا» مك 2006 جىلدان باستاپ جۇمىس ىستەيدى، ول جەتىم بالالار مەن اتا-اناسىنىڭ قامقورلىعىنسىز قالعان بالالارعا ارنالعان بالالار ءۇيىن، 4 جاستان 18 جاسقا دەيىنگى زياتكەرلىك كەمىستىگى بار بالالارعا ارنالعان تۇزەتۋ مەكتەپ-ينتەرناتىن قامتيدى.
قولدانىستاعى عيمارات 1962 جىلى سالىنعان جانە ءقازىر اپاتتى جاعدايدا. كەڭەس قورىتىندىسى بويىنشا «جانۇيا» مك باسشىلىعى مەن الماتى قالاسىنىڭ ءبىلىم باسقارماسى كەشەننىڭ جاڭا عيماراتىن سالۋ ۋاقىتىنا بالالاردىڭ كوشۋ جوسپارىن ەگجەي-تەگجەيلى ۇسىندى. ماسەلەن، 82 تاربيەلەنۋشى №1 ارنايى مەكتەپ-ينتەرناتقا ورنالاستىرىلادى. كوشۋ كەزىندە بالالاردىڭ قاۋىپسىزدىگىن قامتاماسىز ەتۋ ءۇشىن ولار 5-10 تامىز ارالىعىندا وقۋشىلار سارايىنىڭ جانىنداعى «ورنەك» لاگەرىندە دەمالادى.
2024-2025 وقۋ جىلىنىڭ باسىنان باستاپ «جانۇيا» مك وقۋشىلارى ءبىلىم الادى:
- باستاۋىش بۋىن (1-4 سىنىپ) - №2 مەكتەپتە 176 وقۋشى،
- ورتا بۋىن (5-9 سىنىپ) - №43 مەكتەپتە 144 وقۋشى،
- ۇيدە وقىتۋ – 121 بالا،
- كوللەدجدەردە – 16 ستۋدەنت.
«BI Group» قۇرىلىس كومپانياسى بيزنەستىڭ ءوز قارجىسى ءۇشىن الەۋمەتتىك جاۋاپكەرشىلىك اياسىندا ەسكى عيماراتتى بۇزىپ، جاڭا زاماناۋي كەشەن سالۋدى جوسپارلاپ وتىر. جوبانى 2025 جىلدىڭ سوڭىنا دەيىن ءبىتىرۋ جوسپارلانىپ وتىر.
«قۇرىلىس جوباسىنىڭ ىسكە اسىرىلۋ بارىسىن ءماسليحات دەپۋتاتتارىنان، قوعامدىق كەڭەس، ءبىلىم باسقارماسى جانە باسقا دا مۇددەلى ورگانداردىڭ وكىلدەرىنەن تۇراتىن ارنايى كوميسسيا قاداعالايدى»، - دەيدى «جانۇيا» مك قامقورشىلىق كەڭەسىنىڭ ءتوراعاسى رافاەل گاسانوۆ.
ايتا كەتەتىن نارسە، 400 وقۋشىعا ارنالعان «جانۇيا» جاڭا، زاماناۋي مامانداندىرىلعان كەشەنى سول اۋماقتا سالىنادى. سونداي-اق، وقۋ جانە سپورت زالدارى، كوۆوركينگ ورتالىق سياقتى زاماناۋي، جايلى 200 ورىندىق جاتاقحانا اشۋ كوزدەلگەن.