الماتىنىڭ بوستاندىق اۋدانىنداعى كەيبىر عيماراتتا ىستىق سۋ مەن جىلۋ بىرنەشە ساعاتقا ءوشىرىلدى
بوستاندىق اۋدانىنىڭ روزىباكييەۆ - قوجانوۆ - گاگارين - كورولەنكو كوشەلەرىنىڭ اۋماعىنداعى ءبىرقاتار تۇرعىن جانە وزگە دە عيمارات ماگيسترالدىق جىلۋ جەلىسى ۋچاسكەسىنىڭ بىرىندەگى اپاتقا بايلانىستى جىلۋ بەرۋ توقتاتىلدى.
1976 جىلى پايدالانۋعا بەرىلگەن ديامەترى 800 مم قۇبىردىڭ ىستەن شىقتى، «الماتى جىلۋ جەلىلەرى» ج ش س اپاتتى جويۋمەن اينالىسىپ جاتىر. اتالعان سەكتورعا جىلۋ مەن ىستىق سۋ بەرۋدى جارىم تۇنگە دەيىن قالپىنا كەلتىرۋ جوسپارلانعان.
بۇل اۋداندا تۇراتىن الماتىلىقتار مەن قالا قوناقتارىنان ۋاقىتشا قولايسىزدىققا تۇسىنىستىكپەن قاراۋىن وتىنەمىز.
ەستەرىڭىزگە سالايىق، قانداي دا ءبىر اپات تۋىنداعان جاعدايدا (سۋ، بۋ شىعارىندىلارى) ءوز بەتىنشە ارەكەت جاساماي، ونى تومەندە كورسەتىلگەن نومىرلەرگە قوڭىراۋ شالۋ ارقىلى حابارلاۋعا كەڭەس بەرەمىز:
+7 (727) 378-06-65 (تاۋلىك بويى) نەمەسە
+7 (727) 341-07-77 (08:00-دەن 18:00-گە دەيىن).
«الماتى جىلۋ جەلىلەرى» ج ش س