"انەستەزيولوگيا جانە ەرەسەكتەر، بالالار رەانيماتولوگياسى" ماماندىعى بويىنشا 821 بولاشاق مامان وقىتىلادى
وسى كۇندەرى الماتىدا وسى سالاداعى حالىقارالىق ساراپشىلاردىڭ قاتىسۋىمەن انەستەزيولوگتار مەن رەانيماتولوگتاردىڭ VI كونگرەسى ءوتتى، دەپ حابارلايدى Almaty-akshamy.kz.
بۇگىنگى تاڭدا انەستەزيولوگيا جانە رەانيماتولوگيا سالاسىندا زاماناۋي تەحنولوگيالاردى ەنگىزۋ ءۇشىن، جالپى وسى قىزمەتتى قارقىندى دامىتۋ جانە مەديسينالىق كومەكتىڭ ساپاسىن ارتتىرۋ ءۇشىن ق ر دەنساۋلىق ساقتاۋ مينيسترلىگى "حالىق دەنساۋلىعى جانە دەنساۋلىق ساقتاۋ جۇيەسى تۋرالى"كودەكستىڭ تالاپتارىن ەسكەرە وتىرىپ، انەستەزيولوگيا جانە رەانيماتولوگيا بويىنشا جاڭا ستاندارتتى ازىرلەۋدە.
سونىمەن قاتار، ۆەدومستۆو رەانيماتولوگ-انەستەزيولوگتاردىڭ تاپشىلىعىن جويۋ بويىنشا شارالار قابىلدايدى، ول وڭىرلەر بويىنشا 45-تەن 80%-عا دەيىن قۇرايدى. قازىرگى ۋاقىتتا مەديسينالىق جوعارى وقۋ ورىندارىندا "انەستەزيولوگيا جانە ەرەسەكتەر، بالالار رەانيماتولوگياسى" ماماندىعى بويىنشا 821 بولاشاق مامان وقىتىلادى، وتكەن جىلى وسى بەيىن بويىنشا مەديسينا ماماندارىن شىعارۋ 169 ادامدى قۇرادى، 2023 جىلى 329 انەستەزيولوگ، 2024 جىلى-323 مامان شىعارۋ جوسپارلانۋدا.
كونگرەسس الاڭىندا "ەكستراكورپورالدىق دەتوكسيكاسيا"، "اكۋشەرلىكتەگى انەستەزيولوگيا جانە رەانيماتولوگيا"، "انەستەزيولوگتاردىڭ جۇمىسى مەن بىلىمىندەگى جاڭا تەحنولوگيالار" سياقتى وزەكتى تاقىرىپتار بويىنشا پلەنارلىق وتىرىستار ءوتتى، وندا ءيزرايلدىڭ جەتەكشى سپيكەرلەرىنىڭ باياندامالارى ۇسىنىلدى. ءدارىس تاقىرىپتارى تاجىريبەشى انەستەزيولوگتار مەن رەانيماتولوگتار ءۇشىن وزەكتى جانە قىزىقتى بولدى.
سونداي-اق، كونگرەسس جۇمىسىنىڭ بارىسىندا شۇعىل اكۋشەرلىك جاعدايلاردا قارقىندى تەراپيانىڭ وزەكتى ماسەلەلەرى تالقىلاندى.
جەتەكشى ماماندار ءوز باياندامالارىندا مەديسينانىڭ وسى باعىتىندا ۇلكەن ىلگەرىلەۋشىلىك بار ەكەنىن، تيىسىنشە، تۇرعان مىندەتتەردىڭ دەڭگەيى ارتىپ كەلە جاتقانىن جانە ولاردى شەشۋگە جالپى كوزقاراس جەتىلدىرۋدى قاجەت ەتەتىنىن اتاپ ءوتتى. فورۋمعا قاتىسۋشىلار قاۋىمداستىق ءۇشىن پروبلەمالاردى كوتەرۋگە، پروبلەمالاردىڭ سىندارلى شەشىمدەرىن بىرلەسىپ تابۋعا جانە ءىس-قيمىل الگوريتمدەرىن جاساۋعا مۇمكىندىك بەرەتىن وسىنداي كاسىبي الاڭدار ەكەنىنە سەنىمدى.
"انەستەزيولوگ – رەانيماتولوگ – بۇل كوپبەيىندى مامان، سوندىقتان ۇنەمى جاڭا تاسىلدەر تۋرالى حاباردار بولۋ وتە ماڭىزدى، ال مۇنداعى ەڭ جاقسى نۇسقا - وسى نەمەسە باسقا زاماناۋي جەتىستىكتەردى ەنگىزگەن جانە ءساتتى قولدانعان ارىپتەستەرمەن قارىم-قاتىناس جاساۋ"، - دەپ اتاپ ءوتتى ق ر دسم باس شتاتتان تىس انەستەزيولوگى، پروفەسسور اعزام شايماردان ۇلى ءجۇمادىلوۆ.
فورۋمنىڭ جۇمىسىنا يزرايل، ۋكراينا، تۇركيا جانە رەسەيدەن كەلگەن شەتەلدىك ساراپشىلار قاتىستى.