الماتىدا 2025 جىلى جاڭا تۋعان نارەستەلەر اراسىندا ايتۆ جۇقتىرۋدىڭ بىردە-بىر دەرەگى تىركەلگەن جوق، - دەپ حابارلايدى Aqshamnews.kz.
بۇل ماڭىزدى كورسەتكىش جۇكتى ايەلدەر مەن شاقالاقتار اراسىنداعى ايتۆ-نىڭ الدىن الۋ شارالارىنىڭ تيىمدىلىگىن دالەلدەيدى.
ايتۆ-نىڭ تىك (انادان بالاعا) جۇعۋىنىڭ الدىن الۋ مەديسينا قىزمەتكەرلەرىنە ۆيرۋستى ءتيىمدى باقىلاۋعا، ال ايتۆ-مەن اۋىراتىن ايەلدەرگە دەنى ساۋ بالا تۋۋعا مۇمكىندىك بەرەدى.
قازاقستاندا ايەلدەر كونسۋلتاسيالارىندا ەسەپتە تۇرعان بارلىق جۇكتى ايەل ەكى رەت جوسپارلى تۇردە تەكسەرىلەدى. بۇل ايتۆ ينفەكسياسىن ەرتە انىقتاپ، دەر كەزىندە ەمدەۋدى باستاۋعا جول اشادى.
«الماتىدا ايتۆ-مەن اۋىراتىن بارلىق جۇكتى ايەل مەن جاڭا تۋعان سابيلەر پروفيلاكتيكالىق ەممەن تولىق قامتىلعان. دارىگەردىڭ ۇسىنىستارىن قاتاڭ ساقتاعان جاعدايدا بالاعا ۆيرۋستىڭ بەرىلۋ ءقاۋپى نولگە دەيىن ازايادى»، - دەيدى الماتى قالاسى جيتس-تىڭ الدىن الۋ جانە وعان قارسى كۇرەس ورتالىعىنىڭ ديرەكتورى مارات توكەيەۆ.
ۆيرۋس جۇكتەمەسى تومەن ايەلدەر وزدىگىنەن بوسانا الادى، ال ۆيرۋس جۇكتەمەسى جوعارى بولعان جاعدايدا كەسار تىلىگى جاسالادى.
شاقالاق دۇنيەگە كەلگەننەن كەيىن بىردەن وعانسيروپ تۇرىندەگى دارىلەر بەرىلىپ، ارنايى پروفيلاكتيكالىق ەم تاعايىندالادى. بالا 1،5-2 جاسقا دەيىن جيتس ورتالىعى ماماندارىنىڭ باقىلاۋىندا بولادى جانە العاشقى جىلىندا مەديسينالىق-سانيتارلىق العاشقى كومەك ۇيىمدارى ارقىلى تەگىن ءسۇت قوسپالارىمەن قامتاماسىز ەتىلەدى.
وسى كەزەڭدە بالا بىرنەشە رەت ايتۆ-عا تەكسەرىلەدى. ەگەر 18 ايعا دەيىنگى بارلىق ناتيجە تەرىس بولسا، ول رەسمي تۇردە ەسەپتەن شىعارىلىپ، دەنى ساۋ دەپ تانىلادى.
2025 جىلدىڭ باسىنان باستاپ ايتۆ-مەن پەريناتالدىق بايلانىسى بار 66 بالا «دەنى ساۋ» دياگنوزىمەن ەسەپتەن شىعارىلدى.
ماماندار جۇكتى ايەلدەردىڭ انتيرەتروۆيرۋستىق تەراپيانى قابىلداۋعا دەگەن جاۋاپكەرشىلىگى ارتقانىن دا ايتادى. بۇعان ينفەكسيونيست، پەدياتر، گينەكولوگ، پسيحولوگ، ۋچاسكەلىك مەدبيكە جانە الەۋمەتتىك قىزمەتكەردەن قۇرالعان ءموبيلدى بريگادالار جۇمىس ىستەيتىن كوپسالالى ءتاسىلدىڭ ەنگىزىلۋى اسەر ەتتى. سونداي-اق، زاماناۋي انتيرەتروۆيرۋستىق تەراپيانىڭ تيىمدىلىگى جوعارى جاڭا سحەمالارى — تاۋلىگىنە ءبىر رەت قابىلداناتىن بىرىكتىرىلگەن پرەپاراتتار دا ماڭىزدى ءرول اتقاردى.
1 جەلتوقسان - دۇنيەجۇزىلىك جيتس-پەن كۇرەس كۇنىنە وراي الماتىدا ايتۆ-نىڭ الدىن الۋ جانە ايتۆ-عا شالدىققان ادامدارعا قاتىستى ستيگمانى ازايتۋ ماقساتىندا ءتۇرلى اكسيالار، دوڭگەلەك ۇستەلدەر، فلەشموبتار مەن اعارتۋشىلىق ءىس-شارالارى وتەدى.
ناۋقان اياسىندا «سىن-قاتەردەن – ايتۆ-عا قارسى جاۋاپ» اتاۋىمەن ناۋقان اياسىندا سپورتتىق ءىس-شارا كورەرمەندەرى، ۇيىم قىزمەتكەرلەرى مەن ستۋدەنتتەر اراسىندا ايتۆ-عا جەدەل تەستىلەۋمەن ناۋقاندار وتكىزىلەدى.
سونداي-اق، ايتۆ تۋرالى ميفتەردى سەيىلتۋ جانە ايتۆ-عا اۋىراتىن جاسوسپىرىمدەر مەن جاستاردى قولداۋ ءۇشىن جاندى ديالوگ فورماتىندا «ۆيچەرينكا» ينتەراكتيۆتى جاستار ءىس-شاراسى وتەدى.
ايتۆ-مەن اۋىراتىن ادامدار ءۇشىن دەرماتولوگ، ماممولوگ، فتيزياتر جانە ونكولوگ مامانداردىڭ كەڭەسۋ ۇيىمداستىرىلادى.
21 قاراشا كۇنى ءجيتس-تىڭ الدىن الۋ جانە وعان قارسى كۇرەس ورتالىعىندا اشىق ەسىك كۇنى وتەدى. وندا ءاربىر ادام دارىگەرلەردەن كەڭەس الىپ، ايتۆ-عا تەكسەرىلە الادى.