دومبىرانىڭ ءۇنى تەك كۇمبىرلەي بەرسىن، اسقاقتاي بەرسىن!
الماتىدا «ءان دومبىرا، جىر دومبىرا، كۇي دومبىرا» اتتى مەرەكەلىك كەش ءوتتى، دەپ حابارلايدى Almaty-akshamy.kz Almaty.tv سىلتەمە جاساپ.
ۇلتتىق دومبىرا كۇنىنە ارنالعان شارانى رەسپۋبليكالىق دوستىق ءۇيى مەن قازاقستان ءازىربايجاندارىنىڭ قاۋىمداستىعى ۇيىمداستىرعان. مەرەكە قۇتتىقتاۋ سوزدەن باستالىپ، ارمەن قاراي كۇمبىرلەگەن دومبىرا كۇيلەرىمەن جالعاسىن تاپتى. مۋزىكالىق كەشكە قازاق ونەرىنىڭ مايتالماندارى، بەلگىلى كۇيشىلەر مەن ءداستۇرلى انشىلەر قاتىستى.
«مەن مۇنداي ءىس-شارالاردى الداعى كەزدە دە جالعاستىرسام با دەپ ويلايمىن. ويتكەنى ءبىزدىڭ قازاقتىڭ قاسىنا ەتنوستاردى توپتاستىراتىن، ۇيىستىراتىن - بۇل ادەبيتەتى، مادەنيەتى، جىرى مەن داستانى»، – دەدى رەسپۋبليكالىق دوستىق ءۇيىنىڭ جەتەكشىسى نۇرساۋلە التەكوۆا.
«ۇلتتىق دومبىرا كۇنىنە ارنالعان ءىس-شارامىز كەڭىنەن ناسيحاتتالا بەرسە ەكەن دەپ مەن شىن جۇرەگىمنەن ايتقىم كەلەدى. وسىنداي اشىق اسپان استىندا وتكىزىپ جاتقان شارا ءۇشىن ۇيىمداستىرۋشىلار القاسىنا العىسىمدى ايتقىم كەلەدى. دومبىرامىزدىڭ ءۇنى تەك كۇمبىرلەي بەرسىن، اسقاقتاي بەرسىن! وسىنداي جاس ورەن ۇرپاقتارىمىزعا كەيىنگە مۇرا بولىپ قالا بەرەدى دەپ ايتقىم كەلەدى»، – دەدى «شاڭىراق» الەۋمەتتىك قىزمەت كورسەتۋ ورتالىعىنىڭ قىزمەتكەرى نۇربولات يسايەۆ.